"Nuk duhet të dalë bufi nga këneta", Rama: Çdo socialist dhe demokrat duhet të jetë i interesuar që të hyjmë në BE, këtë e bën vetëm PS

edi rama

BERAT- Kryeministri Edi Rama tha sot në takimin me kandidatët për deputet në Berat, se vota e dhënë për opozitën është votë e çuar dëm. Rama u shpreh se negociatat për anëtarësim në BE duhet të vazhdojnë dhe nuk duhet humbur kohë në finalizimin e tyre.

Sipas tij çdo demokrat apo socialist duhet të jetë i interesuar vetëm për hyrjen në Bashkimin Europian, ndërsa shtoi se këtë mund ta arrijë vetëm PS.

Rama: Do hedhë kot një votë që duhet ta përdorë për të futur Shqipërinë në BE. Punët për negociatat duhet të vazhdojnë. Jo po doli bufi nga këneta, nuk duhet të ketë fare nga këto. Nëse humbasim kohë, luajmë me fatin tonë. Ne nuk e dimë se mund të zhvillohen ngjarjet që do vijnë. Gjërat mund të kthehen siç ishin më përpara. Ky është momenti, tani duhet ta kapim dhe duhet të hyjmë brenda. Çdo socialist, demokrat, i majtë, i djathtë, duhet të jetë i interesuar, në radhë të parë që ne të hyjmë brenda. Unë iu çoj në Bashkimin Evropian. Për këtë kemi bërë punë të madhe, diplomaci të madhe. Është histori për libra, nuk është histori për ta treguar sot. Trenin e historisë që kalon më 11 maj, shqiptarët ta marrin dhe të shkojnë përpara.

edi rama