50-vjeçari Thimjo Rubati, i plagosur pas një atentati mbrëmjen e së premtes në Sarandë, i transportuar mandej në spitalin...
POLITIKE
"Nuk më takon mua ta them nëse Erioni është i pafajshëm dhe nëse është fajtor!" Rama: Kemi zgjedhur të mos komentojmë edhe kur kryetari i Tropojës është marrë nga zyra
M.B.Përditësimi i fundit 11 Shkurt 2025, 20:43
TIRANA- Kryeministri Edi Rama tha sot gjatë ceremonisë së 105-vjetorit të Tiranës si kryeqytet se nuk i takon atij të thotë nëse kryebashkiaku i arrestuar Erion Veliaj është apo jo i fajtor. Rama tha se deri më sot PS nuk kishte komentuar as kur kryetari i Tropojës është marrë nga zyra dhe është mbyllur në shtëpi.
Ai shtoi se prezumimi i pafajësisë për një njeri të zgjedhur në krye të detyrës është jo thjesht një detyrim ndaj tij si ndaj çdo individi, por është detyrim dhe ndaj atyre që e kanë zgjedhur, në mënyrë që të bëhen të dyja edhe puna me kontratën ndaj zgjedhësve edhe puna e drejtësisë.
"Nuk e di dhe nuk më takon mua ta them nëse Erioni është i pafajshëm dhe nëse është fajtor, por unë di që prezumimi i pafajësisë për një njeri të zgjedhur në krye të detyrës është jo thjesht një detyrim ndaj tij si ndaj çdo individi, nga ana e kujt do që ka detyrën të trajtojë çështje që lidhen me drejtësinë, por është detyrim dhe ndaj atyre që e kanë zgjedhur, në mënyrë që të bëhen të dyja edhe puna me kontratën ndaj zgjedhësve edhe puna e drejtësisë.
Për hir të vërtetës ne deri sot kemi zgjedhur të mos komentojmë edhe kur kryetari i Tropojës është marrë nga zyra dhe është mbyllur në shtëpi, në një qytete në skaj të Shqipërisë dhe i është ndaluar të zbatoj kontratën e zgjedhësve sepse mbiu të rëndon një akuzë, por pa gjyq", tha Rama.
