Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
Nuk na ka vjedhur -Pse i duhet Tiranës Florjan Binaj
PiranjatPërditësimi i fundit 24 Tetor 2025, 11:52
Nga Avni Nezaj
I qetë në humor. Zjarrfikës dhe zjarrndezës në debate. Ideator në krijimtari. Ndërthurës projektesh që do ta harmonizojnë jetën e atyre që jetojnë në Tiranë. Qetësi.
Më në fund shqiptarëve u është ofruar një njeri normal për të kandiduar për bashkinë e kryeqytetit. Një njeri pa asnjë lloj kompleksi që nga mosha e re e shpresës dhe e sigurte deri sa të bëhet stërgjysh. Kam një bindje që nuk do ndryshojë edhe kur të rrethohet nga hajdutë, banditë, kriminelë e korruptonjës apo analistë bythbubër.
Nuk ka komplekse një artist me norma. Debatues i ashpër dhe i sinqertë. Një luftëtar i paepur ndaj korrupsionit dhe veseve të liga të shoqërisë e qeverisë në mediat ku ka punuar. Mirëserdhe. Unë jam një qytetar i Tiranës dhe e deklaroi pa asnjë mëdyshje votën time. Do të votoj Florjan Binajn nëse do ketë zgjedhje në Tiranë. Se me çfarë duken bathët, Rama me bandën e tij e ka shumë frikë përballjen e do sajojnë ndonjë kleçkë ligjore që ta mbajnë kështu me nënkryetar bashkinë deri në zgjedhjet e ardhshme.
Por edhe nëse ndodh kjo, unë prapë Binajn do votoj. Dhe jam shumë i bindur që edhe opozita e bashkuar do të vazhdojë projektin e mbështetjes për këtë kandidat jashtë çadrave politike por brenda betejës për të pastruar “territorin” pas reshjeve.
Florjan Binaj vjen nga arti. Nga skena. Nuk ka emocione dhe arti i krijon shume lehtësia në komunikim. Tirana ka vërtet nevoje për një artist që ta shpëtojë nga shkatërrimi edhe historik edhe ambiental.
Nëse ai ka vendosur sinqerisht të jetë prezent në kryeqytetin tonë ai duhet të prekë me duart e veta hallet e secilit prej nesh.
Hallet e atyre tregtarëve të vegjël që u vidhen përditë specat, domatet dhe erëzat që prodhojnë në kopshtin e tyre në fshat, nga banditët me uniformë. Hallin e atij banorit që zhurma nuk ia le babain t’ia zërë gjumi edhe pse i sëmurë. Apo fëmijën ja zgjon të trembur. Hallin e asaj nënës që ka të vegjlit e mitur e nuk ka si t’i çojë në çerdhe apo në kopsht, e mbyt trafiku. Hallin e atij pensionistit që nuk ka para për të paguar as supën por as biletën e autobusit që do ta çojë deri tek çuni apo goca që të kujdesen për të vegjlit deri sa të rriturit të mbarojnë punën. Mos të lerë të moshuarit t’u skuqet faqja, as tek fëmijët e as tek fatorinot, as tek spitalet e as tek administrata e bashkisë. Ata kanë punuar shumë, meritojnë respekt.
Florjan Binaj e do Tiranën dhe këtë dashuri për këtë qytet ai duhet tua përcjellë njerëzve që takon, t’ua thotë copë ne sy që është e mundur të jetohet në këtë hapësirë, të qetë pa shqetësime. Ku do të ketë ujë, ndoshta jo 24 orë siç premtonin mashtruesit e tjerë, por të paktën 21 orë e 33 minuta do ketë. Ky duhet të jetë Florjani.
Aktori kandidat duhet të shpëtojë atë çfarë ka mbetur pa shkatërruar nga Tirana jonë e vjetër. Ti vërë veton betonit që po i zë frymën dhe të harmonizojë ndërtimet që po e shkatërrojnë përfundimisht atë pak hapësirë të gjelbër ku njerëzit mund të shijojnë jeshillëk.
Florian Binaj do bëjë edhe këto edhe shumë gjera të tjera. E ra mut nuk do ti vijë më Tiranës e nuk do përmbytemi pas çdo milimetri shi.
Binaj, nuk na ka vjedhur si Rama me bandën e tij në sistemin e drejtësisë sorosiane, me lapera e lapere.
Binaj nuk do na vjedhë si Veliaj, me incenerime, me 5D, parkingje e me taksa të shtuara.
Binaj nuk do na vjedhë si Ogerta me tendera sekretë. SPAK akoma nuk ka folur ose ka frikë të flasë.
Pra Binaj, nuk na ka vjedhur asnjëherë, E nuk do na vjedhë. Prandaj duhet votuar.
Kaq mjafton, që bashkë me hajdutët të ikë edhe era që i ka zënë frymën edhe Lanës edhe Tiranës.
