Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
POLITIKE
Opozita kundërshton projekt-rezolutën e PS/ Klosi: Nuk e kuptoj ç'po ndodh! U ka hedhur sirën ballkoni i non-gratës
b.zPërditësimi i fundit 27 Maj 2024, 14:55
Blendi Klosi
TIRANË - Sekretari i përgjithshëm i PS Blendi Klosi, ka marrë fjalën në Kuvend, ku po diskutohet projekt-rezoluta antikorrupsion e PS-së, draft i cili është kundërshtuar nga opozita e cila dekaroi se do ta abstenojë. Nga foltorja e Kuvendit Klosi, i ka bërë thirrje opozitës që të votojnë projektrezolutën, ndërsa u shpreh se kjo është një gjë që do t’i shërbejë vendit drejt rrugës në BE, dhe se abstenimi nuk është të bërit politikë.
Klosi: Mijëra shqiptarë dje në Milano, e po aq edhe më shumë në Athinë, u mblodhën me bindje të thellë që sot Shqipëria i bën më krenar. I bënë thirrje klasës politike, të dyve krahëve, që së bashku duhet të japim kontribut për një Shqipëri më të mirë. Sot i bëjmë thirrje këtij kuvendi për të marrë pjesë së bashku në reformimin e shtetit për të shkuar drejt Europës. E konsiderojmë domosdoshmëri etike për të ardhmen e vendit luftimin e korrupsionit. Kjo është thirrja që vjen sot në këtë Parlament sepse kërkon vullnet politik nga gjithë klasa politike. Çfarë vjen sot? Përsëri mosmarrje pjesë, përsëri abstenim. Nuk jeni as 10 veta në sallë, nuk e kuptoj se ç’po ndodh?! E keni të brendshme këtë refuzimin. Ballkoni i non-gratës u ka hedhur sirën dhe nuk merrni dot vendime.
