Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
POLITIKE
"Opozita s'mund të sillet si mazhorancë", Dash Sula këshillon Gaz Bardhin: Ku gabove me Begajn
PiranjatPërditësimi i fundit 15 Tetor 2025, 21:40
Dashnor Sula deklaron se opozita nuk po tregohet e nxituar me kërkesën për shkarkim të Presidentit Bajram Begaj, por, sipas tij, ajo “nuk mund të sillet si mazhorancë pa kuptuar se deri ku shkon gjëja”.
“Politikisht, opozita ka të drejtë. Por, fillimisht duhet t’i dërgonte shkresë zyrtare Presidentit dhe t’i kërkonte llogari si i ka marrë lekët. Unë kam qenë deputet edhe në mazhorancë, edhe në opozitë. Ndoshta më ka ngelur edhe nga puna e prokurorit që nuk flas para kohe. Politikë do të bësh, por të drejtosh gishtin ndaj një personi është shumë e rëndë”, tha Sula.
Sipas tij, fillimisht duhen grumbulluar provat e më pas të sulmohet.
“Grumbullo faktet, provat dhe në fund pastaj nxirri ujin e zi”, tha Sula në a2cnn.
Sula thekson se politika nuk është stadium dhe ligjvënësit duhet të tregojnë vetëpërmbajtje. Ai u ndal edhe te etiketimit që kreu i PD i bën drejtuesit të SPAK, Altin Dumani, duke i kërkuar Sali Berishës të ruajë etikën.
“Unë jam për këtë ndiq rrugën më të mirë, më të qetë grumbullo faktet, grumbullo provat dhe kur ta kesh në fund pastaj qiti ujin e zi. Dëgjo se mua më vjen turp se ka edhe ditëlindjen doktori sot. Po nuk i thuhet tjetrit idiot. Idiot, i tha sot doktori drejtuesit të SPAK-ut në konferencë shtypi.
Nuk flitet kështu. Ja po ta them. Po prapë, ta shaj pra në televizor nga gruaja., a kjo është logjika? Po prit o tani. Se s’kam dëgju ndonjë unë ta shajë Sali Berishën. As nga institucionet. Ndonjë kokërr idioti ka nga mazhoranca që e thotë, por të gjithë kanë njëfarë respekti, tregojnë kulturë, një edukatë. Për fjalët e fyerjes e kam. Unë s'e kam thënë o vëlla ti për 20 vjet politik për asnjeri, edhe nuk e them se është turp ore turp.
Nuk bëhet kështu pra. Duhet etikë. Kur del deputeti, ministri e thotë fjalë rrugaçi, atëherë asaj kategorie i përket. Ndaj edhe sot ti për Presidentin i çon bateritë deri në fund: Bajram, harram, derman, lesh e përshesh. Prit mo pak. Ai mund të jetë injoranti më i madh por nuk bëhet kështu mo. Unë e kam për të gjithë”, tha Sula
