I ftuar në emisionin ‘Kafe Shqeto’ në Syri TV, pedagogu Gjok Vuksani ka akuzuar kryeministrin Edi Rama për gjuhën fyese ndaj s...
POLITIKE
“Pa flamurin shqiptar në zyrë, 5 mijë euro gjobë”, mori titullin "Qytetar Nderi i Tiranës", Ali Ahmeti: Donim bashkimin e tokave shqiptare, rrethanat ndryshuan
M.B.Përditësimi i fundit 2 Maj 2024, 13:44
Ali Ahmeti
TIRANA- Kreu i BDI-së, në Maqedoninë e Veriut, Ali Ahmeti mbajti fjalën e tij në ceremoninë e dhënies së titullit "Qytetar Nderi i Tiranës" në bashkinë e kryeqytetit. Gjatë fjalës së tij, Ahmeti shprehur mirënjohje, ndërsa ktheu sytë pas nga historia. Ai tha se Tirana ka qenë e varfër, por i ka mbajtur ngrohtë në gjirin e saj.
Teksa u dal te të drejtat e shqiptarëve në Maqedoninë e Veriut, Ahmeti iu drejtua kryeministrit Rama duke i thënë se statuja e Skënderbeut ndodhet në Shkup tashmë njësoj si në Tiranë apo duke dhënë shembullin se nëse nuk e mban flamurin kombëtar në zyrë, mund të dënohet me 5 mijë euro gjobë.
Pjesë nga fjala e Ali Ahmetit:
Të dashur vëllezër e motra, i dashur kryeministër, i dashur president Moisoiu, president Topi, i dashur Balla, i dashur Namik, i dashur ministër i Jashtëm, e dashur Arta Dade, profesorë e diplomatë, i dashur zoti Majko, ambasador në Maqedoni, unë kam miq këtu, shumë, Iliri, Shkëlqimi, Ismeti, i dashur Sokol Peza, i dashur Shaban, profesor, i dashur Erion, do të doja t’ju falënderoj nga zemra. Kjo është Tirana dhe e Adem Jashari, Tirana e Zaim Pajazitit e Xhevë Krasniqit
Tirana ka qenë e varfër, por në na ka mbajtur ngrohtë në gjirin e saj. Me qindra janë dëshmorë që nëna këtu në prehrin e vetë i ka mbajtur. Do të doja t’ju falënderoj, por një fjalë e një plaku të urtë na tha; ‘Mos e falënderoni njëri-tjetrin nëse të gjithë keni punuar në arën tuaj, vetëm punë e mbarë të thuhet kur punët bëhen’. Vërtet Shqipëria ka ndarë bukë e kripë me zemër me ne, me të gjithë ata që nuk janë sot, por është Kosova shtet, janë shqiptarët në Maqedoni shtet formues. E kam thënë botërisht se kur kemi nisur veprimtarinë e kemi nisur për bashkimin e tokave shqiptare dhe nuk kam asnjë reverëve, se ka dhe asisoj që thotë e kemi nisur për demokraci.
E kemi nisur veprimtarinë për bashkimin e tokave shqiptare, rrethanat ndryshuan dhe ne ndryshuam strategjinë, duke parë gjeopolitikat, gjeostrategjitë dhe u përkushtuan në çlirim e Kosovës, por pa garanca që nuk do të ketë kryengritje në Maqedoni, sepse Shqiptarët që morën pjesë vullnetarisht në luftën e Kosovës, ca u vranë në burgjet e Idrizovës dhe kjo situatë ishte e pakontrollueshme, por edhe e përpunueshme shumë më herët sepse shqiptarët në Maqedoni ishin të diskriminuar.
I dashur Edi, sot edhe ju Skënderbeun e Tiranës po dhe unë e kam në Shkupin e vjetër, mu në qendër. Dhe ju me krenari është flamuri kombëtar, por edhe unë dënohem nëse nuk e kam flamurin kombëtar në kancelari, në zyrë, në komunë, 5 mijë euro është gjoba.
Tre universitete, i dashur Edi, ia kemi marrë Mlladiqit, në Shkup i Nënë Terezës, në Tetovë dhe Kumanove. Kemi dhe shumë punë për të bërë, ju falënderoj nga zemra për përkrahjen që na ka dhënë shteti shqiptar. Unë e njoh Tiranën e 1991, por jo të 2024. Është komplet tjetër dhe kjo nuk më gëzon vetëm mua, por çdo shqiptar që vjen dhe e viziton. Doja t’ju falënderoj për këtë nder, do përpiqem të jem qytetar i disiplinuar. Çdo aktivitet që ju keni, unë do të jem pjesëmarrës sepse tani është dhe qyteti im.
