"Pagat e Focave të Armatosura do të rriten çdo vit", Peleshi: Ja kategoritë që përfitojnë

Niko Peleshi

TIRANA- Ministri i Mbrojtjes, Niko Peleshi deklaroi sot se pagat e Forcave të Armatosura do të rriten çdo vit. Peleshi tregoi edhe për kategoritë dhe për shifrat përkatëse që përfitojnë rritje. Ai shtoi se politika e këtij vendimi  është nga 7 deri në 22%.

“Sa i përket pagave për FA-të, por dhe për personelin Civil, dua të jap lajmin e mirë për të gjitha nivelet, nga ushtari i katërt, te gjeneralët. Do të kenë rritje të pagave. Pagat e FA-ve do të rriten çdo vit. Jemi shumë afër, duke kaluar vendet e rajonit, duke shkuar drejt vendeve dinjitoze. Për ushtarin e katërt, paga do të shkojë në 71 mijë lekë, pra një rritje prej 290 mijë lekësh.

Të gjitha pagat që do të lexoj, iu shtohen dhe trajtimi me ushqim. Këtë duhet të dëgjojnë të gjithë të rinjtë, pasi e nisin me një pagesë 820 mijë lekë në dorë. Politika e këtij viti, e këtij vendimi, është nga 7 deri në 22%. Ata që janë asistentë zjarri, do iu shkojë rroga në 60 mijë lekë. Për zjarrfikësit, paga iu shkon në 65 mijë. Kryezjarrfikës shkon paga 70 mijë”, tha Peleshi.

niko peleshi