Spanja po përballet me një nga zjarret më të mëdha dhe më të vështira të viteve të fundit. Mbi 600 zjarrfik&...
POLITIKE
Pamja e Metës u bie në sy të gjithëve, ish-ministri reagon ashpër: Arrestimi i tij është ndëshkim, jo izolim për hetim
PiranjatPërditësimi i fundit 27 Prill 2026, 18:47
Ish-ministri i Drejtësisë dhe një nga bashkëpunëtorët e hershëm të Ilir Metës, Ylli Manjani ka bërë një reagim të fortë për transformimin fizik të ish-Presidentit të Republikës, pamja e të cilit sot në Gjykatën e Posaçme ka marrë vëmendjen e të gjithëve.
Ishte hera e parë që Ilir Meta shihej, qëkur u arrestua në Tetor 2024, me pamjen e jashtme krejt të transformuar, me fizik të dobësuar, shumë kilogramë nën peshë dhe gati pa flokë. Dhe për këtë, Ylli Manjani thotë se Ilir Meta po ndëshkohet me një masë arresti që e privon nga liria.
"Pamja fizike e Ilir Metës tregon ndëshkim, jo izolim për llogari të hetimit. Ndëshkimi është term mesjetar dhe nuk ka asnjë lidhje me izolimin për llogari të zhvillimit të hetimeve. Arresti me burg në Shqipëri është as më pak e as më shumë, po NDËSHKIM!
Kështu thotë edhe propaganda: "fundi i pandëshkueshmërisë". Pamja e Ilir Metës është prova e gjallë e ndëshkimit popullor të drejtësisë së sotme.
Nëse i uroni dikujt ndëshkim, ky është ndëshkimi. Mendojeni në lëkurën tuaj, para se tja uroni dikujt tjetër. Dhe më në fund, po e përsëris atë që kam mbi 10 vite që e them: dënojini fajtorët dhe mos ndëshkoni njeriun! Ligjet e arrestit me burg për t'u bërë qejfin turmave duhen groposur", shkruan ai.
