PAMJET/ Dje iu refuzua të paraqiste imazhe për dëshminë në ekran, Beqaj vjen në Komisionin e Shëndetësisë me foto të printuara dhe zmadhuara

TIRANA- Ish-ministri Ilir Beqaj momentalisht po pret në korridoret e Kuvendit për të hyrë në Komisionin hetimor të Shëndetësisë për të dëshmuar. Nga pamjet e siguara shihet se Beqaj ka ardhur "i mobilizuar" këtë herë me foto të printuara dhe të zmadhuara me ngjyra. Kjo lëvizje vjen pasi ditën e djeshme opozita në Komision nuk pranoi që ai të dëshmonte duke paraqitur vizualisht në ekran foto apo video.

Beqaj pritet të japë dëshminë e tij lidhur me 2 koncesionet, atë të sterilizimit dhe të check up-it. Ai është nën hetim nga SPAK për dy dosje, të sterilizimit dhe një për abuzim me fondet e SASPAK. Ditën e hënë dëshmoi për 5 orë në komision biznesmeni Ilir Rrapaj i cili mbërriti me pranga në Kuvend. Rrapaj mohoi lidhjet miqësore me ish-drejtuesit Ilir Beqaj dhe ish-zv. ministrin Klodjan Rjepaj. 

Koncensioni 10 vjeçar me vlerë afro 100 milionë dollarë iu dha kompanisë 'SaniService', një bashkim kompanish ku Ilir Rrapaj me kompaninë e tij 'Investital LLC' është zotëruesi kryesor i aksioneve, krahas kompanive italiane “Servizi Italia”, “Tecnosanimed” dhe “U.Jet S.r.l” të Staccinit. Biznesmeni Ilir Rrapaj ndodhet në arrest me burg prej 16 gushtit 2024, ndërsa i arrestuar është edhe ish-zv.ministri i Shëndetësisë Klodian Rjepaj.

ilir beqaj