Autoritetet në Afrikën e Jugut vijojnë hetimet për vdekjen e papritur të futbollistit Jayden Adams, mesfushorit të Mamelodi Sund...
POLITIKE
"Parlmenti nuk ka arritur të zbatojë disa nga vendimet tona!" Gjykata Kushtetuese pas raportit të Komisionit Europian: Përmendet roli në ruajtjen e kontrolleve institucionale dhe balancave
M.B.Përditësimi i fundit 25 Korrik 2024, 13:15
Foto ilustruese
TIRANA- Gjykata Kushtetuese ka reaguar sot pas publikimit të raportit të Komisionit Europian për Shqipërinë. Në reagimin e Gjykatës Kushtetuese thuhet se raporti përmend ndër të tjera, edhe rolin e GJK si efektiv në ruajtjen e kontrolleve institucionale dhe balancave, megjithëse parlmenti sipas këtij raporti, siç thuhet dhe në reagim, nuk ka arritur të zbatojë disa nga vendimet e saj.
Gjithashtu reagimi i Gjykatës Kushtetuese thotë se në raport theksohet edhe plotësimi i trupës së gjyqtarëve sipas ndryshimeve kushtetuese të reformës në drejtësi në vitin 2016, për të vijuar më tej me vlerësimin për punën e Gjykatës, në trajtimin në mënyrë efektive të një sërë çështjesh të rëndësishme si dhe duke mos patur çështje të prapambetura që prej rifillimit të funksionalitetit të saj në dhjetor të vitit 2022.
REAGIMI I GJYKATËS KUSHTETUESE:
Raporti i Komisionit Evropian “Për Sundimin e Ligjit 2024” vlerëson punën e Gjykatës Kushtetuese të Shqipërisë
Komisioni Evropian ka publikuar raportin “Sundimi i Ligjit 2024”, për më shumë se 30 shtete në Evropës, mes të cilave është edhe Shqipëria. Në këtë raport, i cili vlerëson gjendjen e shtetit të së drejtës, përmendet ndër të tjera, edhe roli i Gjykatës Kushtetuese si efektiv në ruajtjen e kontrolleve institucionale dhe balancave, megjithëse parlmenti sipas këtij raporti, nuk ka arritur të zbatojë disa nga vendimet e saj.
Gjithashtu, në raport theksohet edhe plotësimi i trupës së gjyqtarëve të Gjykatës Kushtetuese sipas ndryshimeve kushtetuese të reformës në drejtësi në vitin 2016, për të vijuar më tej me vlerësimin për punën e Gjykatës, në trajtimin në mënyrë efektive të një sërë çështjesh të rëndësishme si dhe duke mos patur çështje të prapambetura që prej rifillimit të funksionalitetit të saj në dhjetor të vitit 2022.
