Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
POLITIKE
PD-ja drejt ‘vendoreve të pjesshme’ me kandidat të pavarur/ Berisha: Vendimi është jashtëzakonisht i rëndësishëm
PiranjatPërditësimi i fundit 4 Tetor 2025, 15:50
Partia Demokratike ka zhvilluar një mbledhje me kryesinë, ku është diskutuar mundësia e përfshirjes së kandidatëve të pavarur për zgjedhjet në 6 bashki të vendit. Kryetari i PD-së, Sali Berisha, ka theksuar se ky është një vendim shumë i rëndësishëm për opozitën dhe se përfshirja e kandidatëve të pavarur mund të japë një dimension tjetër në fushatën e ardhshme.
Në një prononcim për mediat, Berisha u shpreh se "Unë mendoj se kandidati i pavarur është i pavarur kur ai deklaron veten si të tillë, dhe natyrisht, edhe ata që do të propozojnë kandidatura, asgjë nuk do të lihet jashtë konsideratës. Të pavarurit, të mbështetur nga forcat politike, kanë regjistruar suksese të papritura në historinë e modeleve elektorale."
Berisha i referohet një shembulli nga historia elektorale, konkretisht në landin e Nordrhein-Westphalia në Gjermani, ku të gjithë kandidatët e pavarur janë mbështetur nga forca politike, duke treguar se kjo mund të sjellë suksese të papritura.
Berisha: Unë mendoj se kandidati i pavarur, është i pavarur kur deklaron veten, apo nuk është kështu. Por edhe të propozuar, asgjë nuk do të lihet jashtë konsideratës. Natyrisht duhet të jemi realist. Në historinë e modeleve elektorale, të pavarurit e mbështetur nga forcat politike kanë regjistruar suksese të papritura, të themi atë që është. Sot, tani, mund të ju them se në një shtet prej 18 milionësh, në Rhine Ëestphalia, në Gjermani, të gjithë kandidatët të pavarur, të mbështetur nga forcat politike. Pra, nuk është kjo. Vendimi është një vendim jashtëzakonisht i rëndësishëm i jep opozitës shqiptare një dimension tjetër. Kë paraqiti ai? A e kuptoni ju se, çdo njeri tjetër në atë organizatë kriminale mund të dilte para Ogertës. Ogertës desh i ra të fiktë kur e mori vesh, sepse e di barrën e krimit që ka mbi supe. A nuk janë këto nata me ditën, a nuk është kjo errësira me dritën, dallimi. Ne themi, qytetarët themi, personaliteteve të vendit, intelektualëve të vendit, ekspertëve u themi, atyre të cilët ndihen të gatshëm të përballen të marrin vendimin e duhur dhe ne qëndrojmë të hapur ndaj tyre. Jo lajmi përbën ky, por risinë madhore, prandaj dhe mos bëjmë asnjëherë atë që ja; tani të themi, shihni trungun e pishës sa i madh, tani këto degët nuk na lënë me e pa. Nuk mund të ndodhi kjo.
