Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
POLITIKE
"Për Argita Berishën, Rama bërtiste për korrupsion, për “konsulencat” e Xoxë, s’qenka faji i Veliajt?!" Gazetari: Nga “Skandal” te “S’ka asgjë për t’u çuditur”
M.B.Përditësimi i fundit 13 Shkurt 2025, 17:44
TIRANA- Gazetari Flamur Vezaj ka bërë një postim në rrjetet sociale ku i referohet çështjes së arrestimit të kryebashkiakut të Tiranës Erion Veliaj. Vezaj shkruan se në vitin 2013 mediat u ngritën peshë për një marrëveshje që nuk ndodhi kurrë ku një biznesmen libanez kërkoi konsulencë ligjore, dhe Argita Berisha, sipas tij, i kërkoi 3% të investimit për shërbimin. Vezaj shkruan se bëhet fjalë vetëm për biseda biznesi pa asnjë transaksion.
Gazetari thotë se atëherë Rama dhe Veliaj nuk lanë ekran pa u shfaqur dhe rastin e asaj kohe e paralelizon me dosjen e çiftit Erion Veliaj-Ajola Xoxa.
"Kompanitë e ndërtimit u rreshtuan me radhë për të kaluar nga OJF-të dhe firmat e Ajola Xoxës – ca për konsulenca ligjore se si të merrnin leje ndërtimi në bashkinë ku burri i saj firmoste, ca për të blerë piktura mediokre, ca për “donacione” edukative. Dhe jo më me tarifa “skandaloze” 3%, por me shifra që edhe Rudi Giuliani do t’i kishte zili – 13 mijë dollarë për 30 minuta konsulence! Shikoni listën, kush donte leje ndërtimi, tender nga Bashkia, ndere politike e emërime, ishin klient të zyrës së Xoxes! Në fund të gjithë të kënaqur", shkruan Vezaj.
Gazetari shkruan se pjesa më ironike është se gjashtë biznesmenë shqiptarë, jo libanezë, tani janë nën masën e sigurisë “detyrim paraqitjeje” për korrupsion dhe kuzohen se kanë paguar shuma të majme në emër të konsulencave, donacioneve apo blerjeve të artit, me një përfitues të zakonshëm: bashkëshorten e kryetarit të Bashkisë së Tiranës.
POSTIMI:
Nga “Skandal” te “S’ka Asgjë Për T’u Çuditur”
Ju kujtohet në 2013 mediat u ngritën peshë për një marrëveshje që nuk ndodhi kurrë? Një biznesmen libanez kërkoi konsulencë ligjore, dhe Argita Berisha, sipas tij, i kërkoi 3% të investimit për shërbimin. Vetëm biseda biznesi, pa asnjë transaksion! Madje, edhe rastet me Fazlliçin të paktën kishin një produkt konkret – dikush ofroi një shërbim, dikush e pagoi. Por atëherë, Rama dhe Veliaj nuk lanë ekran pa u shfaqur, nuk lanë mikrofon pa mbushur me “shokimin” e tyre për këtë “skandal”.
Po kur erdhën vetë në pushtet? Atëherë ndodhi magjia! Kompanitë e ndërtimit u rreshtuan me radhë për të kaluar nga OJF-të dhe firmat e Ajola Xoxës – ca për konsulenca ligjore se si të merrnin leje ndërtimi në bashkinë ku burri i saj firmoste, ca për të blerë piktura mediokre, ca për “donacione” edukative. Dhe jo më me tarifa “skandaloze” 3%, por me shifra që edhe Rudi Giuliani do t’i kishte zili – 13 mijë dollarë për 30 minuta konsulence! Shikoni listën, kush donte leje ndërtimi, tender nga Bashkia, ndere politike e emërime, ishin klient të zyrës së Xoxes! Në fund të gjithë të kënaqur!
Dhe pjesa më ironike? Gjashtë biznesmenë shqiptarë – jo libanezë – tani janë nën masën e sigurisë “detyrim paraqitjeje” për korrupsion. Akuzohen se kanë paguar shuma të majme në emër të konsulencave, donacioneve apo blerjeve të artit, me një përfitues të zakonshëm: bashkëshorten e kryetarit të Bashkisë së Tiranës. Dhe çuditërisht, si rastësisht, këta biznesmenë merrnin leje ndërtimi dhe kontrata publike nga Veliaj!
Si reagon Rama? “Mos e akuzoni Veliajn për aktivitetet e gruas së tij!”
Pra, kur bëhej fjalë për Argita Berishën, që as nuk e realizoi marrëveshjen, Rama bërtiste për korrupsion. Por kur biznesmenët shqiptarë kapen duke paguar për “konsulencat” e zonjës Xoxa, atëherë s’qenka faji i Veliajt. Shumë parimore, apo jo? Edhe në SHBA nuk kushton 13 mijë dollar një “këshill” ligjore 30 minutëshe!
