Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
POLITIKE
“Përfaqëson frymën e munguar në politikë”/ Ish-deputeti Bushati ofron mbështetje për Flor Binajn: Pse është kandidatura e duhur
PiranjatPërditësimi i fundit 7 Tetor 2025, 21:55
Ish-deputeti, Helidon Bushati thotë se kandidatura e Florjan Binajt për kryetar bashkie në Tiranë, është zgjedhje e drejtë.
Sipas tij, aktori dhe prezantuesi i njohur përfaqëson një frymë të munguar në politikën shqiptare.
REAGIMI I PLOTË:
Mendoj se ofrimi i një alternative si ajo e Florian Binajt në zgjedhjet e pjesshme vendore për Bashkinë e Tiranës është një zgjedhje e drejtë dhe e nevojshme në këtë moment për shumë arsye.
Një kandidaturë si ajo e Florit, një i ri shumëdimensional, i angazhuar, me një përgjegjësi qytetare të pakontestueshme dhe me një komunikim të sinqertë e të drejtpërdrejtë, përfaqëson pikërisht frymën që ka munguar në politikën shqiptare prej vitesh: frymën e besimit dhe të normalitetit.
Në një realitet ku politika shpesh perceptohet si e mbyllur brenda interesave të ngushta, shfaqja e një kandidature të tillë është një akt guximi dhe përfshirjeje. Ajo tregon se politika, kur ka vullnet për të vënë interesin publik mbi çdo gjë tjetër, mund të kapërcejë vetveten dhe të hapet ndaj alternativave që bashkojnë, e jo përçajnë.
Një emër si Florian Binaj mund të përfaqësojë një mënyrë tjetër të të bërit politikë:
më të ndershme, më të afërt me njerëzit, më të përgjegjshme ndaj interesit publik dhe, mbi të gjitha, larg një gjuhe politike që sa vjen e bëhet përsëritëse, e lodhshme dhe boshe.
