Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
"Po grabiten toka me VKM të manipuluara"/ PD denoncon: Bashkia e Kamzës i merr qytetarit pronën me dokumente
PiranjatPërditësimi i fundit 5 Tetor 2025, 10:22
Zëdhënësja për Anti-Korrupsionin në Partinë Demokratike, Genta Vangjeli ka reaguar në një deklaratë për mediat, ndaj denoncimit të Xhemal Agollit, i cili pretendon se Bashkia Kamëz ka shpallur si pronë të saj një pasuri të tij, edhe pse ai ka dokumente të ligjshme pronësie.
Sipas Vangjelit, Agolli ka paraqitur një dokument të Bashkisë Kamëz të vitit 2015, që konfirmon pronësinë e tij, ndërsa bashkia mbështetet në një VKM të vitit 2013 dhe një certifikatë pronësie të vitit 2020.
PD kërkon nga institucionet përgjegjëse të shqyrtojnë çështjen dhe të ndalin abuzimet me të drejtën e pronës, e cila është e garantuar nga Kushtetuta.
Deklarata e zëdhënëses së Antikorrupsionit në PD, Genta Vangjelit
Xhemal Agolli ju drejtua PD për të sjellë zë për pretendimin e tij lidhur me mohimin e të drejtës së pronës nga bashkia Kamëz.
Zotëria si pronar i ligjshëm i pajisur me certifikatë pronësie dhe planin e rilevimit sipas hartës kadastrale referente, denoncoi përballjen e tij me një akt arbitrar të Bashkisë Kamëz, e cila ka vendosur një tabelë në pronën e tij duke e shpallur atë si pronë të bashkisë.
Në përgjigje të ankesës së Agolli, me anë të shkresës së saj datë 24 Shtator, bashkia Kamëz thekson se referuar dokumentacionit bashkëlidhur paraqitur nga ankimuesi, rezulton se pasuria për të cilën ai disponon dokumentin e pronësisë pozicionohet grafikisht mbi pasurinë e certifikuar në emër të bashkisë Kamëz.
Në këto kushte Agolli i kërkohet të saktësojë dhe azhornojë hartën kadastrale.
Bashkia Kamëz citon se pronësia e saj mbi pasurinë buron nga VKM nr. 775, datë 05.09.2013 ‘Për miratimin e listës përfundimtare të pronave që transferohen në pronësi të bashkisë Kamëz dhe prandaj pasuria nr. 42/26 zk2066 me sip 10000 m2, lloji I pasurisë shkëmbore dhe prona është transferuar në pronësi të bashkisë Kamëz gjithashtu është certifikuar në vitin 2020 ndërsa harta kadastrale është rifreskuar në vitin 2024.
Por Agolli disponon një shkresë të vetë Bashkisë Kamëz të datës 22.05.2015, pra dy vite pas miratimit të VKM-së mbi të cilën sot bashkia pretendon pronësinë, e cila konfirmon saktësimin e dokumentacionit të tij dhe numrin e pasurisë.
Në këto kushte, Partia Demokratike kërkon nga institucionet përgjegjëse të reflektojnë në shqetësimin e qytetarëve për ti dhënë fund abuzimit me të drejtën e pronës si një nga të drejtat themelore të garantuara nga Kushtetuta.
