Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
POLITIKE
"Po identifikohen të gjitha mbivendosjet e ligjeve!" Rama: Kemi futur AI në ministrinë e Drejtësisë si një nga ata detektorët që shohin nëntokën
M.B.Përditësimi i fundit 17 Prill 2025, 11:23
TIRANA- Kryeministri Edi Rama ka marrë pjesë sot në aktivitetin “Fuqizimi i AI në Shërbimet Publike Digjitale në Shqipëri”. Gjatë këtij aktiviteti, Rama ka prezantuar mënyrën si Inteligjenca Artificiale po përfshihet në sistemin e administratës shtetërore, me fokus të veçantë në Ministrinë e Drejtësisë.
Kryeministri tha se AI po përdoret si një detektor që sheh nëntokën, për të analizuar në thellësi legjislacionin shqiptar dhe për të identifikuar mbivendosjet apo kontradiktat që janë krijuar ndër vite mes ligjeve.
“E kemi futur Inteligjencën Artificiale në Ministrinë e Drejtësisë si një nga ata detektorët që shohin nëntokën, për të hyrë në shtresat e legjislacionit dhe për të pastruar mbivendosjet ligjore. Ka ligje që japin të drejta që një ligj tjetër i mohon. Në dy vite e ardhme do kemi një pastrim që nuk e ka bërë asnjë vend nga këto mesdhetarët, sepse vendet e tjera evropiane kanë më pak pak ligje dhe më shumë rregulla.
Modeli për prokurimet publike, sot fakti është, bazuar në raportin e SIMGA, që është instrumenti i BE për të monitoruar një sërë aspektesh të qeverisë, ne jemi lider në rajon sa i takon prokurimeve publike. Duam që të zhvillojmë prokurime me AI, ku pjesëmarrja e njeriut të zvogëlohet në rolin e mbikëqyrjes”, tha Rama.
