Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
"Po nuk ndoqe kohën del jashtë saj!" Berisha: Njeriu modern dhe i civilizuar është kritik
ZH.LLPërditësimi i fundit 11 Dhjetor 2024, 09:47
Berisha
TIRANË- Lideri i opozitës, Sali Berisha është ndalur të bashkëpunëtorët e tij ndër vite dhe marrëdhënia me ta. I ftuar në "Kafe shqeto" në Syri Tv, Berisha ka theksuar se i pëlqen të dëgjojë mendime individuale të bashkëpunëtorve, më pas ai të bëjë zgjedhjen.
Berisha thotë se gjatë karrierës ka pasur shumë bashkëpunëtorë, ai madje zbulon edhe dy kërkesat që kishte për ta: mendimin e tyre individual dhe ligjin.
Kryedemokrat theskon se ai vetë përpiqet t'i qëndrojë kohës, sipas tij, njeriu modern dhe i civilizuar është njëriu kriktik.
"Sali Berisha ndryshon me kohën, po nuk ndoqe kohën del jashtë saj!
Koha është e pamëshirshme, këtë gjë duhet ta ketë çdo njeri të qartë dhe kushti është të ndjekësh kohën, a ka mundësi madje ta paraprish kështu që unë përpiqem t’i qëndroj kohës.
Së pari, njeriu modern është njeriu kritik. Njeriu i civilizuar është njeriu kritik.
Së dyti, në Kodin më të lashtë tradicional të asaj zone ku unë kam lindur, lavdërimi nuk pranohej.
Kur erdha unë në shkollë në Tiranë një nga gjërat që mua më bënte përshtypje është se shokët e mi lavdëronin njerëzit e vet, dhe te ne nuk ndodhte.
Unë kam ardhur në shkollë në moshën 14-vjeçare në Tiranë dhe habitesha kur i dëgjoja.
Lavdërimi konsiderohej jo mençuri dhe po e përmbledh kështu me lehtësi.
Nuk dëgjoja kënd të thoshte: Unë jam krenar me babanë tim, me vëllain tim etj dhe kjo gjë nuk ka qenë tek ne.
Në këtë aspekti fëmijëria ndikon si rebeli që të shoqëron në të gjitha dekadat e mëparshme, përpiqesh ta largosh, por ajo qëndron më shumë se sa periudha të tjera të jetës.
Marrëdhënia me ata që unë punoj është e tillë, ju do më thoni atë që mendoni dhe jo atë që dua unë.
Nëse ti je bashkëpunëtori im, e ke shumë të qartë se unë kërkoj nga ju atë që ju mendoni, pavarësisht se çfarë mendoj unë për to dhe më përket mua pastaj të bëj zgjedhje.
Është absolute kjo, dhe dy kërkesa kam për ata që punojnë me mua: Së pari, do më thoni mendimet siç i keni, së dyti ligjin dhe vetëm ligjin dhe kjo është shumë e thjeshtë.
Kam pasur shumë bashkëpunëtorë gjatë gjithë kohës, madje mundësisht ata mos të këshillohen me njëri-tjetrin në mënyrë që të mos ndikohen, por të vijnë secili me mendimet individuale." tha Berisha.
