Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
POLITIKE
'Po shkatërron çdo valvul', Gazetarja Shehu: Rama po mbyll institucionet e pavarura!
PiranjatPërditësimi i fundit 16 Tetor 2025, 21:58
Gazetarja Jonida Shehu analizoi në studion e emisionit ‘Çim Peka Live’ lëvizjet e fundit politike të Edi Ramës, duke ngritur dyshimet e forta se Kryeministri po e përgatit Presidentin Bajram Begaj si viktimë të radhës në lojën e tij të pushtetit madje duke e çuar deri në burg.
Shehu shprehet se, veprimet e Ramës janë të pakuptueshme për një lider me pushtet kaq të konsoliduar, veçanërisht pas 11 Majit, dhe tregojnë qartë një tentativë për të mbyllur çdo valvul shkarkimi në sistem.
Ajo theksoi se në Shqipëri po mbyllet gjithnjë e më shumë loja demokratike, ku çdo institucion i pavarur ose eliminohet, ose shndërrohet në vegël të qeverisë.
Shehu paralajmëron se ky është një skenar i rrezikshëm jo vetëm për demokracinë, por edhe për vetë të ardhmen e pushtetit të Ramës, i cili po krijon një ‘tenxhere me presion’ që, në mungesë të zërave kundër dhe balancës së pushteteve, do të shpërthejë nga brenda.
Pjesë nga deklarata:
Lëvizja që ka bërë Rama së fundmi është e pakuptueshme, sepse një njeri që ka një pushtet të konsoliduar sa e ka ai, sidomos pas 11 Majit, nuk e di pse duhet të shkojë deri këtu. Çdo shoqëri, sistem, ka nevojë për valvulat e tij të shkarkimit. Nëse ti mbyll çdo valvul, ti parashikon fundin tënd, dhe nuk e di si mund të mos e mendojë Rama këtë.
Nëse kjo histori dhe këto veprime do të krijojnë mbylljen e çdo zëri kundër, apo institucioni që rri me këmbët e veta me aq vështirësi sa e kanë institucionet në vend të rrinë në këmbët e veta dhe në kufijtë e ligjshmërisë atëherë kjo nuk do të krijojë gjë tjetër veçse një tullumbace që do të fryhet dhe do të pëlcasi brenda.
Prandaj, nëse do të duam ta shohim lëvizjen e fundit nga pikëpamja gazetareske si një lajm të mirë apo të keq, afatshkurtër është lajm i keq. Sigurisht, gjithsecili do të donte që institucionet të funksiononin të pavarura nga krahu tjetër; në afatgjatë mund të mendosh si një lajm i mirë. Sepse për sa kohë balanca e pushteteve është shkatërruar komplet, me përmasat që ka marrë PS-ja, ti ose shpreson që po ky avantazh do t’i kthehet në disavantazh, dhe nesër do të krijojë mungesën e shkarkimit do të krijojë një tenxhere me presion që do të shpërthejë.
Ne na duhet të presim që këto lëvizje të gabuara, jo vetëm për demokracinë, por edhe për të ardhmen e pushtetit të tyre, do të jenë në vetvete gabimi më i madh që do t’i rrëzojë nga pushteti. Sepse nëse ti, edhe në sytë e ndërkombëtarëve dhe në sytë e atyre që duhet të bindësh, thua që nuk je autokrat, nuk ke më asnjë arsyetim.
Ajo që nuk kuptohet është që, kur ti ndërton një narrativë qeverisjeje, të duhen zërat kundër. Në Parlament jo, Presidenca totalisht jashtë rolit që në momentin që e kaloi dekretin për zgjedhjet presidenciale. Por nga ana tjetër, presidenti është i vetmi garant për mazhoranca të mëdha si kjo që ka Rama. Në momentin që ne publikisht e kemi parë që presidenti nuk është më garant, unë them që loja ka filluar të mbyllet nga jashtë dhe të ziejë nga brenda.
