Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
POLITIKE
"Policia, sjellje harbute"/ Çupi: Një shtet policor s’pranon demokraci dhe opozitë që denoncon abuzimet e pushtetit!
E.DPërditësimi i fundit 26 Nëntor 2024, 21:45
TIRANË- Deputetja demokrate Dhurata Çupi tha se protestat nuk do të ndalen nga ana e opozitës, sa kohë që PD është pranë qytetarëve dhe shqetësimeve të tyre. Çupi e ftuar në A SHOW me Adi Krastën në Syri Tv, tha se përgjatë tre orëve protestë, u konfirmua sot se ndodhemi në një ‘quasi’ diktaturë, dhe kjo sipas saj, përmes shtetit policor.
Gjithashtu Çupi, tha se policia e këtij pushteti është sjellë në mënyrë harbute dhe poshtëruese me qytetarët, duke i sulmuar e provokuar, në një kohë kur vendi ynë pretendon të aderojë në BE. Sipas Çupit, një shtet policor nuk pranon një shtet demokratik dhe me prezencë opozite, që të mos jetë e nënshtruar ndaj pushtetit.
"Jemi në një ‘quasi’ diktaturë dhe shtet policor, edhe këtë e konfirmoi sot. Për 3 orë policia e këtij shteti është sjellë në mënyrë harbute e poshteruerse me qytetarët. Keni parë qytetarë të sulumuar e provokuar në një vend ku pretendojmë BE, kjo është e rendë. Kemi një shtet policor ku nuk pranon një shtet demokratik që të ketë opozitrë dhe të mos jetë e nënshtruar ndaj pushtetit. Ka një opozitë që denoncon këtë pushtet hajdut dhe abuziv. Ne jemi në këto kushte dhe ka një opozitë dhe gjysmën e shqiptarëve që mendon ndryshe nga ky pushtet.
Në protestë, në aksion, në përballje më këtë të keqe, kemi pensionistët, rininë, shtresën e mesme, profesionet e lira i kemi në krah, ndaj një pushteti që vjedh e korrupton, që e ka kthyer vendin në një plaçkë të Ramës. Kemi një opozitë që e ka natyrore të protestojë e t’i qëndrojë përballë këtij pushteti.
Kishim mbështetje qytetare me të madhe se herët e tjera, sepse po shohin një opozitë që mbron interesin qytetar. Shoqërimet në komisariat, janë frikë nga ana e pushtetit. Protestuesit janë provokuar dpd nga policia e këtij pushtetit. Sipas paralajmërimit të protestës, policia ka shantazhuar gjatë protestës dhe tashmë vijon të shoqërojë persona. Ka shoqëruar anëtarë të kryesisë dega 9 dhe të tjerë që po mjekohen. Sjellje e një policie politike nën hyqmin e pushtetit.
S’mund të pranojnë opozitën, që i qëndron përballë këtij pushteti. Do vazhdojmë protestat, s’janë vetëm politike të organizuara nga PD, dy rezolutat kuptimplotë dhe domethënëse që s’ka pasur kaq ashpërsi dhe realitet për situatën politike në Shqipëri. Do të na bashkohen qytetarë që kanë hallin e tyre, pensionistë që mbijetojnë, keqeverisja, që s’kanë ndihmë e përkrahje sociale….familje që janë shpopulluar. Në një Shqipëri që e ka kthyer Rama në plaçkën e tij. I kupton çdo shqiptar këto, dhe e kanë të qartë se çfarë po bën kjo qeveri".
