Sindikata e Punonjësve të Universiteteve të Shqipërisë (SPUSH) i është bashkuar reagimeve ndaj dhunës policore ndaj st...
POLITIKE
Premtoi 20 mijë euro për fëmijën e tretë/ Meta: Basha na kopjoi! Ne kemi program të plotë jo shpërndarje bonusesh
n.fPërditësimi i fundit 6 Qershor 2024, 14:44
Meta
TIRANË- Kreu i Partisë së Lirisë, Ilir Meta ditën e sotme ka zhvilluar një konferencë për mediat Gjatë fjalës së tij Meta komentoi programin e Lulzim Basha, i cili premtoi 20 mijë euro për fëmijën e tretë është e ka kopjuar.
Ai shtoi se ata nuk ndalojnë askënd të kopjojë programin e PL-së dhe partinë e tij. Meta tha se në programin e PL-së është premtuar se për fëmijën e tretë do të jepen 10 mijë euro.
“Nuk ndalojmë asnjë të kopjojë PL-në”, u shpreh Ilir Meta, i cili në programin e tij qeverisës premton “zbritje e kredisë me 3.000 euro për fëmijën e parë, 6.000 euro për fëmijën e dytë dhe 10.000 euro për fëmijën e tretë”.
Meta theksoi se nuk bëhet fjalë thjesht për shpërndarje të bonusese, por për një program të plotë.
“Nuk kemi këtu përballje midis të vërtetës dhe mashtrimit, këtu kemi një parti që ka kohë që ka dalë me një program konkret me 5 prioritete. Ka dalë me një prioritet të qartë për ndalimin e shpopullimit të vendit, ku një nga çështjet më të forta është mbështetja e familjeve të reja, e nënave të reja.
Nuk ndalojmë asnjë të kopjojë PL-në, por Partia e Lirisë ka dy armë shumë të forta, ka besueshmërinë dhe dy modele, atë se si të ardhurat do të rriten sipas përvoja më të mira rajonale, dhe së dyti ka edhe atë maqedonas që është provuar i suksesshëm për tërheqjen e investimeve të huaja dhe sa i takon zhvillimit të bujqësisë e blegtorisë. Nuk bëhet fjala thjesht për të shpërndarë bonuse, por për një program të plotë”, tha Meta.
