DashiMarrëdhënia me partnerin do përmirësohet mjaft gjate kësaj dite. Do i kuptoni gabimet e bëra dhe do mundoheni me çdo...
POLITIKE
Protesta e opozitës jehonë në rajon/ Mediat greke dhe serbe: Tensionet janë rritur pas akuzave të SPAK ndaj Ballukut
PiranjatPërditësimi i fundit 20 Shkurt 2026, 23:42
Protesta e opozitës e zhvilluar mbrëmjen e sotme në Tiranë është pasqyruar gjerësisht në media ndërkombëtare dhe ato të rajonit. Krahas Reuters dhe AFP, protesta që u shoqërua me koktej molotovi është pasqyruar edhe në mediat serbe dhe greke.
“Kokteje molotovi dhe gaz lotsjellës në protestën e opozitës në Tiranë: Tensione para Qeverisë dhe Parlamentit”, shkruan portali në gjuhën serbo-kroate, Newsmax Balkans.
“Pas fjalimit të liderit të opozitës Sali Berisha, para godinës së Qeverisë në Tiranë u hodhën kokteje molotovi dhe mjete piroteknike, ndërsa policia u përgjigj me topa uji dhe gaz lotsjellës.
Tensionet më pas vazhduan edhe pranë godinës së Parlamentit dhe deri tani nuk ka raportime për të lënduar”, thuhet në artikull. “Shqipëria: Përplasje, gaz lotsjellës dhe molotov jashtë parlamentit në një tubim kundër Ramës”, shkruan portali grek DNews.
“Shqipëria: Akuzat për korrupsion ndezin përplasje mes policisë dhe protestuesve”, shkruan gazeta greke “Naftemporiki”, shoqëruar me nëntitullin: “Mijëra mbështetës të Partisë Demokratike të opozitës brohorisnin ‘Rama, ik’.”
“Policia në Tiranë përdori gaz lotsjellës dhe topa uji në përplasjet e së premtes me protestuesit e opozitës, të cilët kërkojnë dorëheqjen e qeverisë shqiptare pas akuzave për korrupsion ndaj zëvendëskryeministres së qeverisë. Protestuesit hodhën molotovë dhe mjete piroteknike drejt zyrës së kryeministrit Edi Rama, ndërsa policia u përgjigj me gaz lotsjellës dhe mjete me ujë me presion. Tensionet politike janë përshkallëzuar që nga dhjetori, pasi një njësi e posaçme e prokurorisë ngriti akuza ndaj zëvendëses së Ramës, Belinda Balluku”, shkruan gazeta.
