Protesta masive në Serbi, Berisha: Padroni i Ramës, Vuçiç, në grahmat e fundit! Nderim studentëve të Beogradit

SERBIA- Kreu i Partisë Demokratike, Sali Berisha ka postuar në rrjetet sociale një video nga protesta masive e ditës së djeshme në Beograd. Berisha shkruan se "padroni i Edi Ramës, Vuçiç është në grahmat e fundit". Ai shpreh nderimet për studentët e Beogradit.

"Padroni i Edi Ramës, Vuçiç në grahmat e fundit! Nderim studentëve të Beogradit", shkruan Berisha.

Në qendër të Beogradit u mblodhën të dielën (22 dhjetor) mbi 100.000 njerëz, njoftoi Arkivi i Tubimeve Publike, i cili merret me numërimin dhe llogaritjen e numrit të demonstruesve në tubime të ndryshme. Kjo e bën këtë edhe tubimin më të madh në Serbi që nga 5 tetori i vitit 2000 kur u rrëzua Millosheviç nga pushteti. Ndërsa policia flet për 30 mijë pjesëmarrës, e këtë e tha edhe presidenti serb, Aleksandar Vuçiç.

Është e qartë se thirrjes së studentëve që po bllokojnë fakultetet iu përgjigj një numër i madh i qytetarëve, të cilëve në protestë iu bashkuan edhe fermerët. Masiviteti i protestave është elementi që bie më shumë në sy, ndërkohë që shpresa kryesore e autoriteteve ishte shuarja graduale e protestave studentore, që filluan para disa javësh.

serbia