Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
Flakët në malin me mbetje në fshatin Halil, Fushë-Krujë, janë shuar nga reshjet e shiut, por zjarri vijon të jetë akti...
POLITIKE
PS pengoi heqjen e imunitetit të Ballukut, Blushi: Sot në Kuvend shpërthyen ’82 bomba’ kundër Shqipërisë!
PiranjatPërditësimi i fundit 12 Mars 2026, 15:21
Sekretari i Përgjithshëm i Partisë së Lirisë, Tedi Blushi i cilësoi 82 votat e maxhorancës kundër arrestimit të Belinda Ballukut si “82 bomba” kundër Shqipërisë, kundër drejtësisë dhe integrimit evropian të vendit.
Në një reagim pas rrëzimit të kërkesës së SPAK për t’i hequr imunitetin e deputetes ish zëvendës kryeministres së pandehur, Blushi thekson se mbrojtja e korrupsionit me votë parlamentare është akti më i rëndë politik dhe moral që mund t’i bëhet vendit.
Sipas tij, Kuvendi dëshmoi se është kthyer në noter të krimit.
“Sot Kuvendi provoi se është shndërruar në noter të krimit dhe të vjedhjes shtetërore, një mekanizëm që prodhon vota për të garantuar pandëshkueshmërinë e korrupsionit në majat e pushtetit. Këto 82 vota-bomba janë një goditje e rëndë ndaj demokracisë, një precedent i rrezikshëm për shtetin e së drejtës dhe një turp i madh për Shqipërinë.“, shkruan deputeti i Partisë së Lirisë.
Reagimi i plotë
82 vota? Jo. Sot në Parlament shpërthyen 82 bomba kundër Shqipërisë, kundër drejtësisë dhe kundër integrimit europian.
I njëjti Kuvend që nuk ngurron të ashpërsojë ligjet për të ndëshkuar qytetarët e zakonshëm deri edhe për parkim të dyfishtë, ngriti sot 82 kartona për të mbrojtur korrupsionin e Edi Ramës.
Kjo nuk është thjesht një votë parlamentare.
Është një sulm i drejtpërdrejtë ndaj shtetit të së drejtës dhe ndaj parimit themelor se të gjithë janë të barabartë para ligjit.
Të mbrosh korrupsionin me votë në Parlament është akti më i rëndë politik dhe moral që mund t’i bëhet një vendi.
Sepse në atë moment Parlamenti pushon së qeni institucioni i qytetarëve dhe kthehet në mburojë të pushtetit të korruptuar.
Sot Kuvendi provoi se është shndërruar në noter të krimit dhe të vjedhjes shtetërore, një mekanizëm që prodhon vota për të garantuar pandëshkueshmërinë e korrupsionit në majat e pushtetit.
Këto 82 vota-bomba janë një goditje e rëndë ndaj demokracisë, një precedent i rrezikshëm për shtetin e së drejtës dhe një turp i madh për Shqipërinë.
