Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
POLITIKE
PS rrëzon me forcën e kartonit kërkesën e opozitës për komision hetimor për AKSHI-n dhe ARRSH
PiranjatPërditësimi i fundit 9 Prill 2026, 21:38
Mazhoranca socialiste ka rrëzuar me 76 vota kundër kërkesën e dy partive opozitare, Partisë Demokratike dhe Partisë së Lirisë për ngritjen e një komisioni hetimor parlamentar për hetimin e veprimtarisë së Agjencisë Kombëtare të Shoqërisë së Informacionit.
Në kërkesë, deputetët demokratë argumentonin se AKSHI administron infrastrukturën më kritike digjitale të vendit, përfshirë platformën e-Albania dhe të dhënat personale të qytetarëve, ndaj funksionimi i saj lidhet drejtpërdrejt me sigurinë kombëtare. Në kërkesë përmenden edhe zhvillimet e fundit hetimore nga SPAK, ku janë ngritur akuza për një skemë të dyshuar kriminale që lidhet me tenderat e AKSHI-t, si dhe rrjedhjes së të dhënave dhe sulmeve kibernetike që kanë prekur sistemet shtetërore.
Gjithashtu, me 75 vota kundër dhe 28 pro, Parlamenti ka refuzuar kërkesën e grupit PL-PD për ngritjen e Komisionit Hetimor për Autoritetin Rrugor Shqiptar (ARRSH). Në bazë të projektvendimit të propozuar, komisioni do të kishte për detyrë të kontrollonte ligjshmërinë e veprimeve të ARRSH-së në realizimin e investimeve në infrastrukturën rrugore. Gjatë seancës maratonë prej më shumë se 12 orësh, Kuvendi ka miratuar projektligjin për parandalimin e pastrimit të parave me 76 vota pro.
