Protestuesit janë pozicionuar tek Ministria e Arsimit, pasi qëndruan paqësisht për më shumë se dy orë para kryeministris&eu...
POLITIKE
Punësimet elektorale/ Teliti: Patronazhisti merr rrogën 4 vite dhe “punon” vetëm gjatë zgjedhjeve
PiranjatPërditësimi i fundit 1 Tetor 2025, 10:59
I ftuar në emisionin e mëngjesit Kafe Shqeto në Syri tv ka qenë demokrati Dorian Teliti. Në bisedën në studio është komentuar gjendja në administratën publike dhe numri i lartë i punonjësve të marrë nga rilindja sidomos gjatë dhe para fushatës elektorale të 11 majit.
“Jepen para në një format të ligjshëm. Gjoja individi bën punë. Dhe në fillim të çdo muaji ai merr rrogën përkatëse për 4 vite. Ai punon pastaj këto katër vite në formatin e patronazhimit për mazhorancën. I dhuron mazhorancës katër vite të tjera. Mazhoranca e shpërblen. Një dorë që lan tjetrën. Në vitin 2013 gjithë shteti shqiptar kishte 162 mijë të punësuar. Sot ka aktualisht 184 mijë. Pra ka 24 mijë më shumë se 2013. Ndërkohë që po jetojmë në kohën e dixhitalizmit. Dhe kemi parë apo dëgjuar shpesh herë nga përfaqësues të mazhorancës që me digjitalizimin kemi shkëputur kontaktet me njerëzit. Është bërë me eficente puna. Nga ana tjetër është ulur numri i qytetarëve. Pra me pak banorë për tu shërbyer nga administrata shtetërore. Pra në vend që të kishim një reduktim të numrit të administratës shtetërore në total, pra të gjithë shtetit shqiptar, qeverisja qendrore, plus bashkitë SHA-të dhe të gjitha me radhë, kishte 162 mijë në 2013 dhe në vend që të uleshin ne kemi rritje.
Si shpjegohet kjo. Nuk ka shpjegim. Ka vetëm një arsyetim. Ka arsyetimin politik. Hap vende punë. Regjistro njerëz në punë. Dhe ju thuhet atyre që nuk ka nevojë që të punoni. Puna bëhet nga të tjerët. Ju vazhdoni bëni ndjekësin patronazhimin. Se në fund farë patronazhimi, ndjekje është.
Pra është shumë e qartë situata. E denoncuar me kohë, e denoncuar ndër vite. Reflektim nuk ka. Përkundrazi sa herë që vijnë fushatat elektorale, sidomos ato qendrore gjithmonë kemi një rritje me nga 2 mijë apo 3 mijë të numrit të punonjësve. Dhe tek numri i përgjithshëm nuk janë ata që janë të punësuar me kontratat e pjesshme, apo me kod pune, apo me ore punë. Dhe sipas informacioneve tona numri i të punësuarve të administratës shkon deri ne 200 mijë të punësuar”-deklaroi ai.
