Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
"Qytetarët e kanë me ju që nuk i krijoni kushtet bazike të jetesës", Kalaja: Vazhdojnë të vjedhin! Dalin nëpër media dhe për çdo gjë na e paska fajin opozita
n.fPërditësimi i fundit 31 Janar 2025, 12:31
TIRANË- Anëtarja e Kryesisë së Partisë Demokratike, Adriana Kalaja ka marrë pjësë ditën e sotme në protestën e radhës të mbajtur para Bashkisë Tiranë. Gjatë fjalës së saj Kalaja tha se qytetarët janë të vetëdijshëm se nuk kanë më besim te qeveria. Ajo theksoi se qytetarëve nuk u janë krijuar kushtet e nevojshme, bazike të jetesës. Kalaja tha se qeveria vazhdon vjedhjet dhe dhe dalin në media e fajësojnë opozitën.
Në fjalën e saj, ajo gjithashtu kritikoi rolin e disa individëve të shquar të politikës dhe drejtësisë, duke i akuzuar për ndikime të jashtme dhe abuzim me pozitat e tyre. Ajo theksoi se nësë ata nuk dinë ta marrin masa për të shpëtuar vetem duhet të marrin një avokat të mirë sepse të gjithë ata do të dalin para ligjit.
"Sot, ndryshe nga këto 5 protestat e fundit ku policia e krimit dhe e mafias kërkon me çdo kusht t’na fusë në konflikt me qytetarët, mori përgjigjen e merituar nga vetë qytetarët. Autobusat e paguar nga Erion Veliaj u boshatisën këtu. Qytetarët e kuptojnë që nuk e kanë më me ne, e kanë me ju, bastarde, që nuk i keni krijuar kushtet e nevojshme, bazike të jetesës, dhe përveç kësaj vazhdoni t’i vidhni dhe dilni nëpër media, kryesisht në ato media të inceneratorëve, dhe për çdo gjë na e paska fajin opozita.
A e pate atë monstër që vajtonte për fondet e amerikanëve, që thoshte që nuk ikin njerëzit pjesë e qeverisë, ikin prej opozitës? Ajo që është turp të jetë pedagoge, është turp të japë mësim një brezi të ardhshëm, një pjesë e qelbesirave, ka dhe kurajon, në vend që të ulë kokën për të gjitha vjedhjet që ka bërë, ka kurajon dhe thotë që edhe emigrimin e ka bërë opozita.
Më thënë të drejtën, mua më bëhet qefi që na japin aq fuqi. Ne arritëm deri në atë pikë sa e kthejmë dhe Baton Haxhiun kundër SPAK-ut. Ti, Altin Dumani, vetëm për kaq duhet të japësh dorëheqjen. Unë e kam thënë dhe jeni dëshmitarë të pakten ju këtu, që unë më shumë vlerësoj ndihmën që i ka dhënë drejtësisë Nuredin Dumani sesa një palaco sharlatan që zbaton urdhrat politik përpara ligjit dhe Kushtetutës.
Pse u shqetësua kaq shumë Dumani? Sepse është po i njëjti Duman që na thoshte: “Na ka thënë Amelika, na ka dhënë urdhër Amelika, na mbështet Amelika.” Kush Amerika more? Amerika e orgjive të Biden-it, Amerika e antimoralit apo Amerika e antfamiljes? JO, JO, Amerika është kjo, dhe gongu për ju ka rënë më 5 nëntor dhe ju në panik e sipër nuk dini ç’bëni.
Nuk dini çfarë të merrni masa për të shpëtuar veten, por ajo që duhet të merrni masa ju është të merrni një avokat të mirë sepse të gjithë ju do shkoni para ligjit, duke filluar që me ty, Olsi Dado. Po ta bëj thirrje publike, ai vedi atje te 313, po pret Erion Veliajn, mos e çoni citin që vendin e Erion Veliajt ta zesh ti, sepse i ke të gjitha faktet e provat për ta çuar para ligjit, çfarë pret, urdhrat e Ina Ramës? Apo Ëngjell Agacit?
Nuk duhet të bëjmë këtë protestën e Facebook-ut. I keni parë, na jipen dhe mend, çfarë është ajo protestë, sa pak numra, po bëhet kështu, po nuk lihet me këtë datë, po pse kaq larg, po pse nesër, po pse pasnesër? Hajde, hajde këtu, kush do protestë të vijë këtu, duke përfshirë dhe ata sharlatanët e partive të reja. Keni dëgjuar ju të bëjnë ndonjë deklaratë për deklaratat e Arben Ahmetajt? Ku janë këta, këta që do na rrëzojnë Edi Ramën?" tha ajo.
