Kryeministri i Kosovës, Albin Kurti, i kërkon Bashkimit Evropian të bëjë hapin e radhës drejt integrimit të vendit, duke i ...
POLITIKE
“Rama cirk me shqiptarët”, Bardhi: S'do të ketë kohë të bëjë llogaritë e burgut të Veliajt, duhet të bëjë llogaritë e burgut të tij
PiranjatPërditësimi i fundit 4 Nëntor 2025, 15:50
Kreu i Grupit Parlamentar të Partisë Demokratike, Gazment Bardhi, akuzoi kryeministrin Edi Rama se në vend që të mbajë përgjegjësi për shkeljen flagrante të Kushtetutës, po bën “cirk” me shqiptarët.
“Në vend që të mbajë përgjegjësi për shkeljen flagrante të Kushtetutës, Edi Rama zgjedh të bëjë cirk me shqiptarët. Abuzimi i pushtetit këtë herë ishte aq i madh, sa, edhe Belinda Balluku të ishte klonuar 8 herë në Gjykatën Kushtetuese nuk do t’i kishte bërë dot derman”, shkruan ai.
Bardhi thekson se Rama urdhëroi shkarkimin e Erion Veliajt në Asamblenë Kombëtare të Partisë Socialiste dhe kërkoi shpalljen e zgjedhjeve në një përpjekje për pazar politik me Erion Veliaj, tani në shkelje flagrante të Kushtetutës, kërkon lirimin e Veliajt nga qelia.
Sipas tij, Veliaj do të vazhdojë të qëndrojë në qeli për korrupsionin dhe abuzimin me detyrën. Bardhi shtoi se dosja e incineratorit të Tiranës mbetet e hapur dhe se shumë shpejt Rama do të përballet vetë me drejtësinë.
“Përgjigjen për kërkesën e tij, Edi Rama e ka marrë po nga Gjykata Kushtetuese, e cila në njoftimin e saj u kujdes të theksonte se "shqyrtimi dhe vlerësimi i çështjes ka të bëjë vetëm me procesin e shkarkimit të kërkuesit nga detyra e kryetarit të Bashkisë Tiranë, PRA JO ME PROCESIN PENAL NË NGARKIM TË TIJ". Kështu që Erion Veliaj do të vazhdojë të qëndrojë në burg për paligjshmëritë, korrupsionin dhe abuzimin me detyrën, ndërkohë që planet e Edi Ramës për të grabitur çdo pushtet, njësoj siç grabiti zgjedhjet e 11 majit, morën shuplakën e parë fytyrës. Sa për Tiranën, më mirë jetim sesa me kujdestarë abuzues që e vjedhin, e plaçkisin dhe e shpërfytyrojnë çdo ditë.
Dhe një kujtesë: Në SPAK, ndonëse e zvarritur, është ende e hapur dosja e incineratorit të Tiranës për procedurën ku Edi Rama del garant për qindra milionë euro që janë zhdukur nga korrupsioni. Kur të hetohet ajo dosje, atëherë Edi Rama s’do të ketë me kohë të bëjë llogaritë e burgut të Erion Veliajt, sepse duhet të bëjë llogaritë e burgut të tij!”, përfundon reagimi.
