Sindikata e Punonjësve të Universiteteve të Shqipërisë (SPUSH) i është bashkuar reagimeve ndaj dhunës policore ndaj st...
POLITIKE
Rama inspektoi punimet te Fakulteti i Gjeologjisë, reagon Qëndresa Qytetare: Auditorët bosh dhe minierat si galeri vdekje, qeveria premton muze
M.B.Përditësimi i fundit 5 Mars 2025, 13:35
TIRANA- Qëndresa Qytetare ka reaguar pasi kryeministri Edi Rama dhe ministrja e Arsimit inspektuan punimet në Fakultetin e Gjeologjisë dhe Minierave. Në reagim thuhet se galeritë e minierave nga Bulqiza, Kukësi, Mati Mirdita deri në Përrenjas e Pogradec janë kthyer në galeri vdekjesh që çdo vit marrin jetë minatorësh, teksa auditoret e Fakultetit të Gjeologji Miniera në UPT pre vitesh janë braktisur nga studentët pasi tregu i punës për këto profesionistë është i vështirë.
Qëndresa Qytetare shton se pavarësisht këtij realiteti qeveria në vijim të projektit të saj fasada mbi përmbajtjen nuk i ndal fondet për fasada godinash dhe laboratorë inekzistentë. Ata thonë se sot Rama dhe Manastirliu lancuan investime në Universitetin Politenik ku veç rikonstruksionit të dy ndërtesave ekzistuese, parashikohet ndërtimi i Muzeut të ri të Gjeologjisë, laboratorëve modernë, salla leksionesh dhe studimesh.
POSTIM:
Galeritë e minierave nga Bulqiza, Kukësi, Mati Mirdita deri në Përrenjas e Pogradec janë kthyer në galeri vdekjesh që çdo vit marrin jetë minatorësh, teksa auditoret e Fakultetit të Gjeologji Miniera në UPT pre vitesh janë braktisur nga studentët pasi tregu i punës për këto profesionistë është i vështirë.
Por pavarësisht këtij realiteti qeveria në vijim të projektit të saj fasada mbi përmbajtjen nuk i ndal fondet për fasada godinash dhe laboratorë inekzistentë. Sot Rama dhe Manastirliu lancuan investime në Universitetin Politenik ku veç rikonstruksionit të dy ndërtesave ekzistuese, parashikohet ndërtimi i Muzeut të ri të Gjeologjisë, laboratorëve modernë, salla leksionesh dhe studimesh.
Pyetja që shtrohet është a do kenë këto laboratore fatin e laboratorit të sigurisë ushqimore në Universitetin Bujqësor të Kamzës? Pyetja që shtrohet këto miliona euro investime a është e nevojshme të kanalizohen në fasada, kur nevojat e arsimit për para janë të shumta?
Qëndresa Qytetare vlerëson se fondet në Universitete duhen orientuae në kërkim shkenocor, rritja e kapaciteteve akademike dhe tek studentët e jo në fasasa luksoze dhe auditore moderne në të cilat nuk ka më studentë.
