Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
"Unë e di që ti ke trasenë e Leninit që të flasësh me 7 veta"/ Rama 'kërcënon' kryebashkiakët: Jeni bërë pengesë për 'Paketën e Maleve'
PiranjatPërditësimi i fundit 23 Tetor 2025, 12:59
Kryeministri Edi Rama,u ka folur ashpër kryebashkiakëve të vendit gjatë një takimi lidhur me 'paketën e Maleve', duke i akuzuar ata se po bëhen pengesë për avancimin e këtij procesi të rëndësishëm. Ai i ka kërkuar atyre që të dorëzojnë sa më parë hartat e zonave dhe tokave që mund të përfshihen në këtë projekt, i cili ka kaluar edhe me ligj.
Rama është shprehur se procesi ka ngecur për shkak të pasivitetit të disa bashkiakëve që nuk kanë dorëzuar dokumentet përkatëse, dhe ka kërkuar që ky proces të avancojë pa vonesa. "Njerëzit presin t’u hapet rruga, por nuk keni hartat e këtyre zonave,” tha ai, duke u shprehur se shumë bashki ende nuk kanë dorëzuar hartat, ndonëse disa janë përpjekur të kontribuojnë.
Gjatë takimit ka ndodhur edhe një përplasje e e Ramës me kryebashkiaken e Dimalit, Juliana Mema. Duke e ndërprerë, ai i tha asaj se nuk mund të vonohej më në dorëzimin e dokumenteve dhe e akuzoi se ishte bërë pjesë e pengesës për këtë proces.
Edhe ti s’e ke sjellë, mos i tund kokën atij aty, mos fol me Xhakollin (i drejtohet kryebashkiakes së Dimalit, Juliana Mema). Unë e di që ti ke trasenë e Leninit që të flasësh me 7 veta (i drejtohet përsëri Memës), por po them se kjo paketë u bë për të lehtësuar totalisht ata që duan të investojnë te toka e të parëve të tyre dhe s’i kanë dokumentet. Vijnë në bashki, shprehin interesin, e presin. Ndaj krijohet mundësia, jepet një kontratë me një çmim një euro, e mundëson kontrata këtë, ai e bën investimin derisa të fitojë edhe të drejtën e tokës në fund të mbarojë procesi
Përveç Memës, Rama i bëri thirrje edhe kryebashkiakut të Kukësit, duke i thënë se nuk kishte dorëzuar ende hartën e zonave, pavarësisht se të gjitha instrumentet për këtë proces ishin në dispozicion.
Më dëgjon ti aty, kryebashkiaku i Kukësit? Janë të gjithë instrumentet dhe ti s’më ke sjellë akoma hartën. Është fare e thjeshtë.
Rama u bëri thirrje të gjithë bashkiakëve që të dorëzojnë sa më shpejt hartat dhe të përfshijnë sa më shumë territore, përveç atyre që janë të pamundura për t'u përfshirë. Ai u dha afat deri në fund të tetorit për dorëzimin e dokumenteve të nevojshme.
