Kryetari i Partisë Demokratike Sali Berisha, ka sjellë në vëmendje një deklaratë të eurodeputetit Tomáš Zdech...
POLITIKE
Rama: Masa për zënien e tokës, dënime të ashpra për punonjësit e shtetit që mbyllin sytë
PiranjatPërditësimi i fundit 3 Tetor 2025, 12:19
Kryeministri Edi Rama ka njoftuar një seri masash të reja për të ashpërsuar dënimet për zënien e tokës dhe shkeljen e zonave të mbrojtura. Sipas tij, çdo akt i tillë, përfshirë edhe parkimin pa leje, do të dënohet me burg. Rama theksoi se, përveç këtyre veprimeve, janë parashikuar edhe masa të tjera të ashpra për shkelësit e ligjit, veçanërisht kur këto akte ndodhin në zona të mbrojtura, duke përfshirë ato që cenojnë objektet e kultit dhe pasuritë natyrore.
Për këto shkelje, dënimi me burg do të jetë më i gjatë, sidomos kur sulmet kryhen nga persona që paguhen nga shteti, ose kur është e qartë se ka sy mbyllje dhe bashkëpunim nga këta zyrtarë që duhet t’i mbrojnë këto territore.
Kryeministri shtoi se në nenet e tjera të ligjit parashikohen masa të përfundimtare, që do të çojnë në dënime më të rënda për ata që shkelin ligjin, ai përmendi tutje se ka një sërë nenesh ligjore që lidhen me personat që punojnë për shtetin dhe që shpesh janë ata që shkelin më shumë ligjin për interesat personale.
Rama: Cfarëdolloj zënie toke, do dënohet me burg, edhe për parkim do shkosh ne burg, pastaj janë edhe nenet e tjera, që kjo sjellë pasojë, masat do jenë pëfundimtare, kur këto sulme ndodhin në zona të mbrojtura, që cënojnë objektet e kultit, etj, burgimi do të jetë më i gjatë, kur vepra kryhet nga persona që paguhen nga shteti dhe sidomos kur konstatohet sy mbyllje dhe bashkëpunim kur duhet ti ruajnë territoret, dënimi më i gjatë, ka një sërë nenesh që lidhen me personat që punojnë për shtetin.
