Rama në Shkodër: Kush e përdor fuqinë e popullit për punë jo të ndershme pas shpinës sonë, të shkojë atje ku e ka vendin

edi rama

SHKODËR- Kryeministri Edi Rama ka theksuar sërish sot në takimin me kandidatët në Shkodër, se kjo qeveri dorëzoi shpatën e ndëshkimit nga politika te drejtësia. 

Ai u shpreh se përtej të gjitha atyre që i cilësoi si "lajthitje, çudira dhe gabimeve" ai tha se PS do ta mbështesë deri në fund procesin e drejtësisë. Sipas tij, socialistët janë garantët për reformën në drejtësi. Ndërkohë për ata që sipas tij devijojnë nga qëllimi i përbashkët dhe e përdorin fduqinë e popullit për punë jo të ndershme duhet të shkojë atje ku e ka vendin.

Edi Rama: Na tregojnë ne me gisht për një punë të bërë nga drejtësia. Ne dorëzuam shpatën për herë të parë që nga 1912, pushteti politik nuk ka në dorë shpatën. Tani ne duhet të ulim kokën për këtë? Përkundrazi, përtej të gjitha lajthitjeve çudirave e gabimeve, është një proces historik i domosdoshëm që do ta mbështesim deri në fund. Ata që nuk do të kenë kurrë gjë në dorë, SPAK-un e shohin si të vetmen shpresë, aleat për të bërë opozitë. Bufi thotë më 12 maj do ta shkrijmë. Jemi ne garantët për reformën në drejtësi dhe duhet të jemi shumë krenar për këtë gjë. Kush devijon nga rruga për qëllimin e përbashkët dhe përdor fuqinë që i jep populli përse PS për të bërë punë jo të ndershme pas shpinës sonë të shkojë atje ku e ka vendin.

edi rama