Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
POLITIKE
Rama: Së shpejti tek “Piramida” do kemi një shkollë për teknologjinë
n.fPërditësimi i fundit 25 Mars 2025, 14:22
TIRANË- Kryeministri Edi Rama gjatë fjalës së tij në eventin e sotëm ku po prezantohen fituesit e Startup Grant 2024 ka dhënë lajmin se së shpejti tek “Piramida” do kemi një shkollë për teknologjinë. Rama theksoi se kjo shkollë do të jetë një nga bërthamat kryesore të revolucionit digjital që po bën Franca.
Ai më tej theksoi se në vendin tonë është aktiv parku teknologjik Durana Tech Park. Sipas tij ky parka ka produkte të teknologjisë dhe një sistem të favorshëm. Rama tregoi edhe planet për të ardhmen ndërsa tha se vitet e ardhshme mund të ndërtohet edhe një godinë në Vlorë.
"Së shpejti tek Piramida do të hapet një super shkollë për teknologjinë, është një shkollë që është një nga bërthamat kryesore të revolucion i digjital që po bën Franca. Këtu janë 89 subjekte që do të marrin mbështetje nga qeveria. Është bërë një punë shumë e dobishme dhe uroj që ta zgjerojmë edhe më shumë. Në Shqipëri kemi aktiv parkun teknologjik Durana Tech Park, për produkte të teknologjisë dhe që ka një sistem të favorshëm.
Shumë shpejt, besoj në fillim të vitit të ardhshëm do të kemi godinën në Vlorë, për haitek, që do të funksionojë si park. Kushdo do ketë hapësirë apo te zhvillojë produkte teknologjikë, do të ketë një sistem komplet ndryshe. Uroj që deri atëherë të kemi bërë zhvillime të reja. Tani që ka hyrë nga Inteligjenca Artificiale, shpejtësia e transformimit është marramendëse," tha Rama.
