Sindikata e Punonjësve të Universiteteve të Shqipërisë (SPUSH) i është bashkuar reagimeve ndaj dhunës policore ndaj st...
POLITIKE
Rama takim në Skrapar/ Ilir Meta ironizon nga burgu: Dëgjova që 'ufo-ja' do t'i fuste në Evropë! U kërkoi të votojnë 5-ën, por skraparlinjtë e dijnë që 5-sa është për të kaluar klasën
m.lPërditësimi i fundit 23 Prill 2025, 19:24
TIRANË- Kryetari i Partisë së Lirisë, Ilir Meta ka reaguar nga burgu për takimin elektoral të kryeminitrit Edi Rama në Skrapar ditën e sotme. Përmes një postimi në platformën 'Facebook', Meta shkroi se ishte argëtuar sot me 'ufon' që kishte mbërritur në qytetin e Çorodovës duke shtuar se 'ufoja' do t'i fuste në Evropë qytetarët. Meta shkroi më tej se ai nuk u pëmendi qytetarëve punimet e lëna pas dhe premtime të pa mbajtura në të gjithë këto mandate siç janë; devijimi i rrugës së TAP-it dhe mospërfundimi i rrugës Skrapar-Përmet.
Meta tha më tej duke përshëndetur popullin e Skraparit duke thënë se ato u çlodhën sot me fjalimin argëtues të 'ufos' nga Tirana dhe i fton të mos harrojnë dëmet e mëdha që i ka sjellë ai qytetit.
"U argëtova sot me “ufo”-n që kishte mbërritur në qytetin e Çorovodës, në një sallë ku 80% ishin jabanxhij shëtitës. Dëgjuam nga “ufo” se do t’i fuste në Europë, por nuk u tha asnjë fjalë, pse rruga Skrapar-Përmet ka mbetur në fshatin Rog dhe pse që nga viti 2017, “ufo”-ja nuk ka hedhur asnjë lopatë?Nuk dëgjuam asnjë fjalë nga “ufo”, pse devijoi rrugën e TAP-it që lidhte Skraparin me Korçën? Nuk u tha asnjë fjalë pse është shkretuar Skrapari këto 8 vite dhe pse fondet për blegtorinë dhe bujqësinë, përfshi edhe ato të BE-së përfunduan për inceneratorin fantazmë.U kërkoi të votojnë 5-ën, por skraparlinjtë jo vetëm janë njësha por e dinë shumë mirë se 5 është sa për të kaluar klasën.
Edhe vetë “ufo”-ja kur fliste, teksa shikonte përballë jabanxhijtë, e ndjente se më 12 Maj duhet të mbajë fort Tikun dhe të shtrëngojë vet llastikun.U kërkoi ta votonin se do t’u jepte dy deputetë kur Skrapari do të këtë 3 deputetë të sigurtë, Dr. Zija Ismailin, Lefter Maliqin dhe pa diskutim edhe Ilir Metaj.E falenderojmë që ka vendosur edhe një zonjë me origjinë nga Skrapari në lista të mbyllura, por edhe ajo kur të dëgjojë çuditë e “Ballkanit të Hapur” në shtator, vështirë të rrijë e kyçur në lista të mbyllura.Përshëndes popullin e Skraparit që u çlodh sot me fjalimin argëtues të “ufo”-s nga Tirana dhe të mos harrojë dëmet e mëdha që i solli Skraparit, kostot e rënda të keqqeverisjes dhe presionet për bukën e gojës, por t’ja shpërblejë më 11 Maj duke votuar Numrin 1", shkruan Meta.
