Autoritetet në Afrikën e Jugut vijojnë hetimet për vdekjen e papritur të futbollistit Jayden Adams, mesfushorit të Mamelodi Sund...
POLITIKE
“Rama të vijë në Kuvend dhe të japë llogari,” Zhupa: Maxhoranca do të ketë fatin e Beqajt, suksese në jetë!
n.fPërditësimi i fundit 4 Korrik 2024, 11:47
Zhupa
TIRANË- Deputetja e PD-së, Ina Zhupa gjatë seancës së sotme ka ironizuar arrestimin ish-ministrit të Shëndetësisë, Ilir Beqaj. Gjatë fjalës së saj Zhupa u shpreh se është e pranueshme që të bëhet një refuzim i pashpjegueshëm për interpelancën që lidhet me Ramën.
Sipas saj Rama duhet të shkojë në Kuvend dhe të japë llogari. Sipas saj ata e dinë që po monitorohen nga drejtësia por duhet të flasin në Kuvend pasi në të kundërt e gjithë maxhoranca do të ketë fatin e Ilir Beqajt.
“E kuptoj se privatisht i merrni ato taksat e parave, por duhet të jepni llogari. Pse nuk ktheni përgjigje për mungesën e ilaçeve? Ju keni quajtur veprimtari private rastet e trafikut të drogës? Ju e keni quajtur Kuvendin organ politik për të bërë debat politik, por ne punojmë për qytetarët. Është e pranueshme që ju të bëni një refuzim të pashpjegueshëm që lidhet me Ramën.
Rama duhet të vijë në Kuvend dhe të japë llogari. Kërkesa ime është që të tërhiqeni nga votimi i turpshëm që keni bërë. E di që janë duke u monitoruar nga drejtësia, por të vinë të flasin në kuvendin e Shqipërisë. Në të kundërt, e gjithë maxhoranca do të ketë fatin e Ilir Beqajt, suksese në jetë!”, tha Zhupa
