"Raporti i Avokatit të Popullit, më i miri", Zhupa: Kuvendi mban peng prej dy vitesh këtë institucion

Ina Zhupa

TIRANA- Deputetja e Partisë Demokratike, Ina Zhupa komentoi raportin vjetor të Avokatit të Popullit. Zhupa tha se raporti i këtij institucioni është më i miri pasi nis me rezolutën e miratuar në Kuvend. Ajo shtoi se Kuvendi ka dy vite e gjysmë që mban peng këtë institucion lidhur me zgjedhjen e avokatit të popullit.

"Institucioni i Avokatit të Popullit pa asnjë dyshim ka raportet më të mira që sjellin raportet e pavarura, është i vetmi raport që nis me rezolutën që ka miratuar Kuvendi dhe i merr një e nga një pikat e rezolutës për të thënë se çfarë ka bërë institucioni i pavarur. Kjo në fakt është një model dhe pë institucionet e tjera që ta kenë rezolutë, jo si një letër që ka lënë Kuvendi thjesht për ta mbajtu në sirtarë, por si një dokument pune me të cilin do të duhet të raportojnë në vitin pasardhës. Zonja Ballanca ka dhe një meritë të veçantë pasi është duke mbajtur një pozicion i cili është lënë në ngërç nga Kuvendi i Shqipërisë. Kuvendi i Shqipërisë ka që më datë 30 mars 2022, pra ka 2 vite e gjysmë që mban peng procesin e zgjedhje së avokatit të popullit", tha Zhupa.

kuvendi