Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
Raporti i OSBE/ODIHR për zgjedhjet e 11 majit, PD kërkon mocion me debat në Kuvend: U shkel barazia e garës
PiranjatPërditësimi i fundit 3 Nëntor 2025, 11:56
Partia Demokratike i kërkon Kuvendit zhvillimin e një seance me mocion për debat që lidhet për raportin final të OSBE/ODIHR për zgjedhjet parlamentare të 11 majit.
Me një shkresë zyrtare, selia blu i është drejtuar selisë së Kuvendit, ku duke renditur edhe pikat konkrete apo argumentet, kërkon mbajtjen e seancës së veçantë për të diskutuar gjetjet e raportit.
PD thekson se në këtë raport theksohet qartë shkelja e barazisë zgjedhore, përdorimit të makinerisë shtetërore, resurseve apo burimeve të saj financiare në këmbim të votës dhe deri tek përfundimi i devijimit të rezultatit zgjedhor.
Gjithashtu opozita ngre edhe çështjet e patronazhistëve dhe intimidimit të mbështetësve të saj para dhe pas zgjedhjeve.
Kërkesa e plotë e Partisë Demokratike për Kuvendin:
“Grupi Parlamentar i PD ka kërkuar sot zhvillimin e një debate në Kuvend me focus gjetjet e raportit final të OSBE-ODIHR të publikuar javën e shkuar. Në kërkesën e firmosur nga Kryetari i Grupit Parlamentar të PD Gazment Bardhit, theksohet ndër të tjera se: “Pasur parasysh gjetjet dhe konkluzonet e raportit final të OSBE-ODIHR-it për zgjedhjet parlamentare të 11 Majit 2025, vecanërisht ato që lidhen me shkeljen e parimit të barazisë së palëve në garë, vlerësojmë se është detyra jonë si deputetë të Kuvendit të Shqipërisë, që të iniciojmë dhe nxisim debatin parlamentar për problematikat, mangësitë dhe standardet e proceseve zgjedhore në vendin tonë, si një kontribut edhe për punën e Komisionit Parlamentar për Realizimin e Reformës së Zgjedhore të miratuar rishtazi me konsensus ndërpartiak.
Sipas deputetëve të opozitës, në përmbajtjen e Raportit theksohet se zgjedhjet parlamentare të vitit 2025 u mbajtën në një mjedis tejet të polarizuar, ku garuesit nuk gëzuan mundësi të barabarta. Partia në pushtet përfitoi nga përdorimi i gjerë i burimeve shtetërore dhe kapaciteteve institucionale, duke përfshirë edhe bërjen publike vetëm pak orë para ditës së zgjedhjeve të faljes të një numri të madh gjobash, dhe zyrtarët e lartë qeveritarë u angazhuan në një numër të madh aktivitetesh zyrtare që shpesh përkonin me mesazhet e fushatës, duke e bërë të paqartë vijën ndarëse mes shtetit dhe partisë. Pati pretendime për presion ndaj nëpunësve të administratës publike, raste intimidimi të mbështetësve të opozitës, si dhe përdorim të rrjeteve të patronazhimit, ç’ka bie ndesh me standardet ndërkombëtare. Çështje të tjera shqetësuese përfshijnë raportimet për shit-blerje votash, tentativat për të ndikuar pa të drejtë tek zgjedhësit e marxhinalizuar, si dhe pretendime për ndikim të elementëve kriminalë në disa parti politike”.
