Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
POLITIKE
"Salianji u dënua nga Edi Rama, Geron dhe Fatmir Xhafa!" Vendimi i Apelit, Luçiano Boçi: PD dënon me forcën më të madhe këtë akt politik të shëmtuar
M.B.Përditësimi i fundit 26 Shtator 2024, 15:46
TIRANA- Nënkryetari i Partisë Demokratike, Luçiano Boçi, ka reaguar pas vendimit të Apelit për të dënuar deputetin Ervin Salianji. Boçi tha se sot në luftën e shpallur ndaj opozitës, kryeministri Edi Rama dënoi me burgim politik deputetin e opozitës për betejën e tij narko-shtetit.
Ai ka shtuar se dënimi i sotëm i Salianjit dëshmon se në këtë vend droga dhe krimi i lidhur me qeverinë janë vendim-marrësit kryesorë, sipas tij, në narko-shtetin shqiptar. Gjithashtu Boçi tha se Partia Demokratike dënon me forcën më të madhe këtë akt politik.
Deklarata e nënkryetarit të PD, Luçiano Boçi:
Sot në luftën e shpallur ndaj opozitës, Edvin Kristaq Rama dënoi me burgim politik deputetin e opozitës Ervin Salianji për betejën e tij guximtare kundër Edi Ramës dhe narko-shtetit të tij.
Sot Ervin Salianji u dënua nga Edi Rama, Geron dhe Fatzi Xhafa në një akt hakmarrje të verbër politike për faktin e vetëm se deputeti Salianji vërtetoi lidhjen dhe veprimtarinë kriminale të narko-trafikantit ndërkombëtar vëllait të Fatmir Xhafës, ministër trafikant, dhe Edi Ramës kreu i narko-shtetit shqiptar. Dënimi i sotëm i Ervin Salianjit dëshmon se në këtë vend droga dhe krimi i lidhur me qeverinë janë vendim-marrësit kryesorë në narko-shtetin shqiptar.
Partia Demokratike dënon me forcën më të madhe këtë akt politik të shëmtuar të Edi Ramës dhe narko-shtetit të tij kundër Partisë Demokratike, opozitës dhe pluralizmit plitik në Shqipëri si dëshmi e terrorit të egër ndaj opozitës për Partinë Demokratike, për çdo demokrate dhe demokrat, për çdo opozitare dhe opozitar, ky akt është një kushtrim, është një SOS të ngrihemi në mosbindje civile: “O sot, o kurrë” kundër Edi Ramës dhe narko-diktaturës së tij.
