Autoritetet në Afrikën e Jugut vijojnë hetimet për vdekjen e papritur të futbollistit Jayden Adams, mesfushorit të Mamelodi Sund...
POLITIKE
Seanca në GJKKO rinis pas një ore/ Tensione në gjyqin me dyer të mbyllura, çfarë ndodhi mes Ilir Metës dhe prokurorëve?
r.llPërditësimi i fundit 23 Tetor 2024, 12:46
gjkko
TIRANË- Seanca në Gjykatën e Posaçme për presidentin PL-së, Ilir Meta, deputeten Monika Kryemadhi, Piro Xhixhon dhe Ema Çokun do të rinisë nbë orën 13:30:
Seanca u shty pas kërkesë së avokatëve mbrojtës për tu njohur me aktet e dosjes hetimore të SPAK. Gjyqi është zhvilluar me dyer të mbyllura, ndërsa sipas raportimeve në seancë, ish-presidenti është shfaqur i tensionuar. Ndërkohë Meta është dëgjuar të flasë me tone të larta kundrejt prokurorëve dhe gjyqtarëve që firmosën për arrestimin e tij. Sipas avokatit, Genc Gjokutaj reagimi i tij ka ardhur për mënyrën se si u krye arrestimi i tij.
Lidhur me këto tensione u pyet nga gazetarët, edhe ish-bashkëshortja e tij, Monika Kryemadhi. Ajo tha jashtë GJKKO-së shkrutimisht: "Ilir Meta për mua sikur i përkëdheli ata, jo sikur i kërcënoi".
Në njoftimin e SPAK thuhet se objekti i hetimit të këtij procedimi janë veprimet korruptive të zyrtarëve të shtetit në lidhjen dhe zbatimin e kontratës së shërbimit CEZ-DIA. President i PL-së, Ilir Meta u arrestua ditën e hënë me udhër të SPAK, ndërsa akuzohet për tre vepra penale. Ndaj tij rëndojnë akuzat: "Pastrimi i produkteve të veprës penale ose veprimtarisë kriminale”, Korrupsion pasiv i funksionarëve të lartë shtetërorë ose të zgjedhurve vendorë”dhe “Refuzim për deklarim, mosdeklarimi, fshehja dhe deklarimi i rrëmë i pasurive, interesave private të personave të zgjedhur dhe nëpunësve publikë”.
Gjykata e Posaçme ka dhënë masën e sigurisë "detyrimn paraqitje" dhe për ish-bashkëshorten e Ilir Metës, deputeten Monika Kryemadhi. Ajo akuzohet për "Pastrimi i produkteve të veprës penale ose veprimtarisë kriminale”, Korrupsion pasiv i funksionarëve të lartë shtetërorë ose të zgjedhurve vendorë”, Refuzim për deklarim, mosdeklarimi, fshehja dhe deklarimi i rrëmë i pasurive, interesave private të personave të zgjedhur dhe nëpunësve publikë”.
Gjithashtu masa “detyrim paraqitje” i është caktuar edhe drejtueses së kompanisë “B.S.K.”,,Ema Çoku. Ajo akuzohet për veprën “Pastrim i produkteve të veprës penale e kryer në bashkëpunim”. GJKKO i ka caktuar masën “arrest shtëpie” ish-kreut të AKEP, Piro Xhixho. Ai akuzohet për “Korrupsioni pasiv i funksionarëve të lartë shtetërorë ose të zgjedhurve vendorë”.
