Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
Seanca për “Sterilizimin”/ Beqaj ankohet në Gjykatën e Posaçme: Hashim Thaçi në sallë me kompjuter para, unë këtu pas xhamit!
n.fPërditësimi i fundit 12 Dhjetor 2024, 16:05
Beqaj
TIRANË- Gjykata e Posaçme ditën e sotme po zhvillon seancë paraprake të dosjes së Sterilizimit. Seanca ka nisur që prej orëve të para të mëngjesit të sotëm ndërsa vijon ende edhe në këto momente. Gjatë seancës avokati i ish-ministrit, Ilir Beqaj mësohet se i kërkoi trupës gjykuese që klienti i tij të mbante shishe uji në sallë, praktikë që në fakt ish-zyrtari i lartë socialist e ndoqi edhe gjatë dëshmisë së tij në Komisionin Hetimor të Shëndetësisë në Kuvend javë më parë.
Ish-ministri ndërhyri duke u shprehur se ish-presidenti i Kosovës, Hashim Thaçi gjatë dëshmisë së tij në Hagë flet në sallë dhe ka para kompjuter ndërsa pranë ka avokatin. Beqaj shtoi se ai ka para një xham dhe flet me shënime dore pa patur komjuter dhe avokatin afër.
“Hashim Thaçi në sallë me kompjuter para, me tavoline dhe afër me avokatin. Ne këtu prapa xhamit, me shënime dore që flasim për tabela të studimit të fizibilitetit, pa tavolinë, pa kompjuter dhe pa patur mundësine të kemi afër avokatin," tha ai.
Fillimisht në seancë ka folur ish-zv/ministri i Shëndetësisë, Klodjan Rrjepaj sipas rendit të përcaktuar që në seancën e kaluar që u shty. Më pas ka folur biznesmeni Ilir Rrapaj. Ai ka folur si ish-zyrtar.
Ish-ministri, Ilir Beaj është i pandehur për dosjen e koncesionit të sterilizimit, ndërsa më 18 mars iu komunikua edhe akuza shpërdorim detyre e kryer në bashkëpunim. Ndaj Beqajt rëndojnë akuzat “Shpërdorim detyre”, e kryer në bashkëpunim. Hetimi SPAK është kryer për koncesionin “shërbime të integruara për ofrimin e setit të personalizuar të instrumenteve kirurgjikale, furnizimin me material mjekësor steril njëpërdorimësh në sallat kirurgjikale, si dhe trajtimin e mbetjeve biologjike dhe dezinfektimin e sallave kirurgjikale”, në kohën kur Beqaj drejtonte ministrinë e Bujqësisë.
Për sterilizimin janë marrë të pandehur edhe 8 të tjerë, mes tyre ish-zv-ministri Klodian Rrjepaj dhe përfituesi i Koncesionit Ilir Rrapaj të dy në pranga që prej gushtit të vitit të kaluar. Në gjykim do të shkojnë edhe 6 ish-zyrtarë të Ministrisë së Shëndetësisë të cilët kanë qenë anëtarë të Komisionit të koncesionit të sterilizimit.
