"Shkoj si politikan dhe model i ri që ka dëshmuar me prova!" Salianji: Burgosja ime, pjesë e planit të Ramës për të goditur opozitën

TIRANA- Deputeti i Partisë Demokratike, Ervin Salianji, ka zhvilluar ditën e sotme një konferencë për shtyp teksa pritet ekzekutimi i vendimit të caktuar ditën e djeshme për të nga gjykata e Apelit. Salianji tha vendimi ndaj tij është goditje nën brez për të kënaqur epshet e grupeve kriminale. Ai shtoi se po shkon në burg si politikan dhe model i ri që ka dëshmuar me prova përfshirjen e ministrit dhe familjes së tij në narkotrafik.

"Denoncimi me fakte që Gjykata e quajti kallëzim të rremë i ndërpreu karrierën politike. Fatmir Xhafajt dhe i dëmtoi reputacionin trafikantit ndërkombëtar të drogës. Edi Rama dhe Fatmir Xhafaj kërkojnë të bëjnë të njëjtën gjë. Me vendimin e lexuar dy javë më parë ishte shpagim kundër meje e cdo zëri opozitar që jo vetëm nuk i ka ndaluar por reagimi ka qenë në unison kundër këtij manipulimi.

Ata provuan se nuk janë funksionarë shtetit por pupacë të narkotrafikut. Nuk shkoj në burg si kallëzues i rremë. Goditje nën brez për të kënaqur epshet e grupeve kriminale. Shkoj si politikan dhe model i ri që ka dëshmuar me prova përfshirjen e ministrit dhe familjes së tij në narkotrafik. Burgosja ime, pjesë e planit të Ramës për të goditur opozitën! Do më kenë përballë", tha Salianji.

ervin salianji