Policia ka vijuar me sjellje të dhunshme ndaj të rinjve protestues përballë Ministrisë së Arsimit edhe ditën e sotme. ...
POLITIKE
Shkurte Fejza mesazh të fortë Edi Ramës për protestën e studentëve: Dëgjojini të rinjtë, jepuni shpresë e dinjitet
PiranjatPërditësimi i fundit 16 Tetor 2026, 16:46
Këngëtarja e njohur dhe shumë e dashur për publikun shqiptar, Shkurte Fejza, i është drejtuar me një mesazh publik e prekës kryeministrit Edi Rama, duke u bërë thirrje institucioneve për dialog, mirëkuptim dhe një zgjidhje të drejtë ndaj shqetësimeve të studentëve.
Përmes këtij mesazhi, të cilin e ka cilësuar si një “lutje me zemër për Shqipërinë”, artistja e mirënjohur thekson se zëri i saj vjen jo vetëm si artiste, por mbi të gjitha si nënë që dëshiron ta shohë rininë shqiptare të jetojë me shpresë, dinjitet dhe besim të plotë në të ardhmen e atdheut.
Fejza i ka kërkuar drejtpërdrejt kreut të qeverisë gjetjen e një rruge mirëkuptimi dhe një zgjidhjeje të arsyeshme që do t’u kthente qetësinë familjeve dhe do të shmangte thellimin e mëtejshëm të ndasive mes qytetarëve dhe institucioneve të shtetit.
Më tej, duke u ndalur te fuqia e artit dhe fjalës për të bashkuar njerëzit, këngëtarja e sheh si një urë bashkimi kombëtar. Ajo ka nënvizuar respektin e saj për institucionet dhe dashurinë e pakushtëzuar për popullin shqiptar, duke u lutur që kjo situatë të mbyllet me një zgjidhje të mirë e me dobi për të gjithë.
