Teksa vendi ynë prej 53 ditësh po përballet me protesta masive, ku kërkohet dorëheqja e kryeministrit Edi Rama, mesazhi i arkitekti i...
POLITIKE
“Shoqja Balluku mbylli aksin me kolona”/ Korreshi: Zgjidhja për ‘Kryqëzimin e Vdekjes’ vetëm 250 metra larg, por rri 20 vite në pritje
PiranjatPërditësimi i fundit 25 Prill 2026, 11:28
“Kryqëzimi i Vdekjes” në zonën “Pushimit të Shoferit” mbetet një nga pikat më të rrezikshme në rrugët kombëtare, ku prej vitesh regjistrohen aksidente me pasoja fatale. Denoncimi është bërë nga deputeti Saimir Korreshi, i cili thekson se zgjidhja ekziston vetëm 300 metra larg: një mbikalim i ndërtuar, por i papërfunduar prej rreth 20 vitesh.
Sipas tij, mjafton ndërtimi i rrugëve lidhëse prej rreth 200 metrash në secilin krah për ta bërë funksional dhe për të eliminuar rrezikun. Deputeti thekson se një investim minimal mund të shpëtojë jetë dhe të lehtësojë trafikun në këtë aks të rëndësishëm.
Denoncimi i plotë:
Kryqezimi i vdekjes që kërkon zgjidhje! Zgjidhja është vetëm 250 metra me larg nga “vepra e artit”, ura që shërben për mbikalim rri në pritje prej 20 vitesh! Kostot për zonën nuk rriten, vdekjet evitohen por dhe arteria kryesore për në jug ska më bllokim. I bëj thirrje Karakaçit me gjithë tabore se me pak dëshirë e me shumë pak lek ka zgjidhje.
Video-denoncimi:
Përshëndetje! Këtu jemi tek kryqëzimi i vdekjes, Pushimi i Shoferit. Është një nga kryqëzimet që ka sjellë dhjetëra humbje jete. Këto janë dhe të aksidentit të fundit ndodhur para dy ditësh në Lushnje. Çmenduria vazhdon. Këtu para disa kohësh, meqë e kemi dhe ish-ministre Balluken, kishim të deleguar, por kemi dhe Karakaçin të deleguar. Ku ngjitur te ky fshati këtu ngjitur është dhe shoku Llamallari, i deleguar… i deleguar i fundit, meqë ka gjithë kompleks qeveritar. Duhet me i dhënë zgjidhje. Zgjidhje vdekjes së dhjetra qytetarëve në këtë aks.
Zgjidhja e fundit që i dha shoqja Balluku para ca kohësh ishte mbyllja e këtij aksi me kolona, për të cilën i gjithë fshati u çua dhe patjetër që u hoqën, sepse i binte të kalonin 22 kilometër. Ndërkohë, që ja ku është, vetëm 250 metra, 300 metra nga këtu, është mbikalimi, një vepër arti e cila është bërë gati. Kështu që, ftojmë qeverinë, do t’ua tregoj më afër dhe veprën e artit, ftojmë shokët ministër me i dhënë zgjidhje kësaj situate. Folësi 1: Duke qenë se akuzohemi gjithmonë që hedhim baltë dhe nuk nuk japim zgjidhje problematikave që ndodhen, atëherë zgjidhja është kjo. Ja ku është Pushimi i Shoferit, 300 metra nga këtu dhe ja ku është vepra e artit, pra ura që shërben posaçërisht për atë.
Është lënë përgjysëm, ka 20 e kusur viteve e lënë përgjysëm, 20 e kusur vite, dhe edhe pse rruga dytësore është miratuar, edhe pse janë bërë shpronësimet e rrugës dytësore, nuk ka investim.
Është vetëm për të bërë një rrugë asfaltimi 200 metra nga secili krah dhe ajo rrugë vdekje të shpëtojë njëherë e mirë banorët, t’i japi oksigjen kësaj zone, po dhe të lirojë qarkullimin e sezonës së beharit. Kemi parë në të gjithë vendet e botës që për 24 orë bëhen rrugë të tilla. Kjo do… bëjeni 24 ditë se ne nuk jemi kaq europianë e kaq botërorë. Por bëjeni për 24 ditë dhe dhe gjithë behari rruga lirohet, meqë aeroporti na lulëzoi dhe sivjet. Ja vepra e artit ku është. Ka ngelur vetëm për rrugët, vetëm për shtrim me dhe dhe asfalt. Shpronësimet përsëri janë bërë. I drejtohemi Karakaços.
Karakaç! Karakaç! Ke mundësinë, meqë ke qenë i deleguar, t’i japësh zgjidhje, meqë je i lindur për këtë gjë.
