Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
POLITIKE
Shpërthimi në Ibër-Lepenc/ Osmani takon ambasadorë të shteteve të Quint-it dhe atë të BE-së: Sulmi dëshmon qëllimet për destablizimin e Kosovës
ZH.LLPërditësimi i fundit 30 Nëntor 2024, 14:03
foto nga zyra e Presidencës
KOSOVË- Pas zhvillimeve të fundit në veri të vendit, presidentja e Kosovës, Vjosa Osmani ka pritur në takim, ambasadorët e vendeve të QUINT-it dhe ambasadorin e BE-së. Gjatë takimit është diskutuar në lidhje me sulmin e mbrëmshëm në Ibër-Lepenc.
Sipas njoftimit të Presidencës, Osmani gjatë takimit ka theksuar se sulmi i mbrëmshëm synon destabilizimin e Kosovës dhe të të gjithë rajonit.
“Në të njëjtën kohë, Presidentja Osmani theksoi sulmet sikurse ky i fundit synojnë jo vetëm destabilizimin e Kosovës, por paraqesin rrezik serioz për stabilitetin e gjithë rajonit”, ka njoftuar Presidenca.
Gjithashtu, është diskutuar edhe për reagimin e institucioneve përgjegjëse karshi kësaj situate. Sakaq, Osmani i bëri thirrje bashkësisë ndërkombëytare që ta dënojnë këtë sulm, teksa ritheksoi se parandalimi i sulmeve të tilla në të ardhmen duhet të jetë fokusi kryesor.
“Presidentja Osmani i bëri thirrje bashkësisë ndërkombëtare që ta dënojë këtë sulm terrorist dhe të qëndrojë e bashkuar kundër çdo përpjekjeje për të minuar paqen dhe sigurinë në Kosovë. Po ashtu, ajo ritheksoi se parandalimi i sulmeve të tilla në të ardhmen duhet të jetë fokusi kryesor. Në vazhdim të ditës, Presidentja do t’i takojë edhe institucionet e sigurisë në vend”, thuhet në komunikatën e Zyrës së Presidentes.
