Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
POLITIKE
'Shqipëria e zhytur në korrupsion'/ Xhixho: Sistemi aktual pengon zhvillimin, prodhon varfëri dhe padrejtësi
PiranjatPërditësimi i fundit 16 Shkurt 2026, 11:52
Zëvëspresidentja presidentja e Partisë së Lirisë, Erisa Xhixho, në një postim në rrjete sociale shkruan se raporti i fundit i Transparency International është një aktakuza e paprecedentë ndaj një dekade qeverisjeje që ka zhytur Shqipërinë në korrupsion sistemik dhe ka kapur shtetin.
Sipas saj, rënia drastike në Indeksin e Perceptimit të Korrupsionit, vetëm 39 pikë, tregon qartë se vendi po largohet çdo ditë e më shumë nga standardet e Bashkimit Europian, duke mbetur pas edhe vendeve të rajonit si Mali i Zi dhe Kosova.
Xhixho thekson se ky degradim nuk është rastësor, por rezultat i një modeli qeverisës që favorizon klientelën politike dhe oligarkinë, duke përdorur ligje “me porosi” për të kapur pasuritë publike dhe duke shkelur standardet demokratike dhe integritetin e shtetit.
Postimi i plotë:
Raporti i fundit i Transparency International është aktakuza më e rëndë ndërkombëtare ndaj një dekade qeverisjeje që e ka zhytur Shqipërinë në korrupsion sistemik dhe në kapje të plotë të shtetit.
Rënia drastike në Indeksin e Perceptimit të Korrupsionit, në vetëm 39 pikë, është dëshmi se vendi po largohet çdo ditë e më shumë nga standardet e Bashkimi Europian dhe po mbetet pas edhe vendeve të rajonit si Mali i Zi dhe Kosova.
Ky degradim nuk është rastësi. Është produkt i një modeli qeverisës që ka ndërtuar “ligje me porosi” për të grabitur pasuritë publike dhe për t’i transferuar ato tek klientela politike dhe oligarkike.
Shteti është përdorur si instrument për afera të mëdha, që nga ligji special për Teatri Kombëtar, tek projektet klienteliste si Porti i Durrësit dhe Aeroporti i Vlorës, si dhe ndryshimet fiskale të hartuara për të favorizuar interesa të caktuara ekonomike.
Raporti evidenton qartë se korrupsioni në Shqipëri nuk është më një fenomen periferik, por një praktikë që përfshin nivelet më të larta të vendimmarrjes shtetërore.
Përfshirja e zyrtarëve më të lartë të qeverisë në afera korruptive, shpërdorimi i burimeve publike dhe pandëshkueshmëria politike kanë krijuar një sistem ku pushteti përdoret për përfitim personal dhe partiak, duke dëmtuar drejtpërdrejt interesin publik dhe zhvillimin e vendit.
Skandalet e përdorimit politik të të dhënave personale dhe ngritja e një rrjeti patronazhimi tregojnë nivelin alarmant të deformimit të shtetit dhe të proceseve demokratike, duke e kthyer administratën publike në instrument kontrolli dhe presioni ndaj qytetarëve.
Sundimi i ligjit është sot pika më kritike e procesit të integrimit europian, dhe raporti dëshmon se mungesa e vullnetit politik për të luftuar korrupsionin po e mban Shqipërinë peng të një sistemi që prodhon varfëri, padrejtësi dhe krizë legjitimiteti.
Shqiptarët nuk kanë nevojë për propagandë dhe fasadë integrimi. Ata kanë nevojë për integritet dhe për institucione që ndëshkojnë çdo zyrtar të lartë që abuzon me pushtetin.
Shqipëria meriton të çlirohet nga një sistem që ka kapur shtetin dhe që po e tërheq vendin drejt krizave gjithnjë e më të thella.
