Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
POLITIKE
"Shqipërinë e Madhe e ndal bota serbe", Meta për deklaratën e Vulin: Shërbim i kërkuar nga Edi Rama, për t’u paraqitur si patriot i madh
n.fPërditësimi i fundit 16 Maj 2024, 12:13
Meta
TIRANË- Presidenti i Partisë së Lirisë, Ilir Meta ka mbajtur ditën e sotme një konferencë për shtyp, ku ka komentuar deklaratat e Aleksandër Vulin. Vulin në një deklaratë të bërë së fundmi i shpreh se Shqipërinë e Madhe e ndal vetëm bota serbe. Në lidhje me këtë deklaratë të Vulin Meta u shpreh se është një shërbim i kërkuar nga Edi Rama, për t’u paraqitur si patriot i madh që synon të bëjë Shqipërinë Madhe, atë që po tretet falë projektit të tij.
Presidenti i PL-së shtoi se qëndrim i Vulin dhe thirrja e tij për t’u bashkuar grekë dhe serbët është qesharak dhe i turpshëm për të gjithë qytetarët e Rajonit. Meta u shpreh se kryeministri Edi Rama në mënyrë të përsëritur në funksion të agjendës së Beogradit, krijon debate që nuk ekzistojnë. Ai më tej shtoi se këto debate i shërbejnë shefave të Ramës për të dëmtuar Shqipërinë, Kosovës dhe çështjet shqiptare dhe për të minuar vlerat evropiane.
Sot do të fillojmë këtë konference shtypi me një qëndrim që ka të bëjë më politikën e jashtme, pasi Edi Rama në mënyrë të përsëritur në funksion të agjendës së Beogradit, krijon debate që nuk ekzistojnë, por që i shërbejnë shefave të Ramës, për të përdorur dhe sjelljet e tij për të dëmtuar Shqipërinë, Kosovës dhe cështjet shqiptare dhe për të minuar vlerat evropiane.
Deklarata e fundit e Vulin, është një shërbim i kërkuar nga Edi Rama, për t’u paraqitur si patriot i madh që synon të bëjë Shqipërinë Madhe, atë që po tretet falë projektit të tij. Jo vetëm kaq, por ky qëndrim i Vulin dhe thirrja e tij për t’u bashkuar grekë dhe serbët është qesharak dhe i turpshëm për të gjithë qytetarët e Rajonit.
Nuk ka pasur dhe nuk ka kryeministër më të mirë se sa Edi Rama për Beogradin, pasi falë tij janë bërë dëme të jashtëzakonshme, së pari me integrimin evropian dhe zvarritjen e tij. Është e ditur edhe se Rama është ndër të angazhuarit me fanatik të projektit të ndarjes së Kosovës, është po ashtu një ndër themeluesit e Ballkanit të Hapur.
Është po ashtu autori i hedhjes në gjyq, të kryeministrit të Kosovës, Ramush Haradinaj dhe kjo është bërë me porosi. I mban ison Serbisë dhe është bërë avokati më i flaktë i saj. Është ai i cili u vendos në shërbim të projektit të Ballkanit të Hapur që nuk ishte asgjë tjetër, veçse një alternativë kundër integrimit të BE dhe kundër Procesit të Berlinit.
