Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
POLITIKE
"Është në shërbim skllavërues ndaj Ramës", Meta: Prokurorët e SPAK janë totalisht të varur dhe të kapur
M.B.Përditësimi i fundit 20 Qershor 2024, 22:14
Ilir Meta
TIRANA- Presidenti i Partisë së Lirisë Ilir Meta ka akuzuar kreun e SPAK, Altin Dumani dhe prokurorët e tjerë të Prokurorisë së Posaçme, se janë nën shërbim e kryeministrit Edi Rama. Në një intervistë për Syri Tv, duke iu referuar deklaratës së Dumanit se nuk e pezullon aferën e inceneratorëve me justifikimin se ka frikë se çështja humbet në arbitrazh, Meta shtroi pyetjen se pse nuk e arreston Edi Ramën dhe Erion Veliajn për humbjen në arbitrazh që, sipas tij, i kanë shkaktuar shtetit 200 milionë euro me Becchettin.
Meta ka shtuar se prokurorët e SPAK përdoren nga Edi Rama për të sakrifikuar njerëz të Ramës që nuk i duhet më në oborrin e tij.
Pjesë nga fjala e Metës:
Prokurorët e SPAK janë totalisht të varur dhe të kapur për zvergu nga Edi Rama. Dhe përdoren nga Edi Rama për të sakrifikuar njerëz të Edi Ramës që nuk i duhet më në oborrin e tij dhe për të prodhur statistika që të thonë që janë dënuar gjatë kësaj kohe kaq edhe aq, ndërkohë që bizneset e tyre vazhdojnë, PPP-të vazhdojnë, inceneratorët vazhdojnë. Po çfarë SPAK-u është ky more zotëri. Nuk e ndërpres inceneratorin thotë Dumani sepse kam hall se nesër në arbitrazh humbet.
Po kur ty të dhimbsen kaq shumë lekët e popullit shqiptarë, pse nuk e arreston Edi Ramën dhe Erion Veliajn për humbjen në arbitrazh që i kanë shkaktuar shtetit 200 milionë euro me Becchettin. Dhe është e provuar në gjykatë me sms-të e tyre, janë presionet e tyre të faktuara që e kanë shkaktuar këtë dëm.
Po mirë ti e paske merak shumë punën e inceneratorit dhe të arbitrazhit po si nuk e paska Edi Rama e paske më shumë ti se ai që prish kontratat e Portit të Durrësit dhe qindra milionë euro të tjera do t’i marrin kompanitë gjermane dhe të gjitha kompanitë e tjera.
Tani a është ky një institucion i pavarur ç’punë ke ti, a është e paligjshme a është e parregullt, ti vepro faturën ta marrë Edi Rama. Ai bën politikë. Si puna me Arben Ahmetajn kur doli dhe tha 500 gjëra, prisni tha se ka surpriza për Arben Ahmetajn dhe doli ajo e bukës dhe aty prap ishte Erion Veliaj, nuk ishte Arben Ahmetaj. Ishte një mesazh për Arben Ahmetajn që ta bënte bashkëpunëtor. Është në shërbim skllavërues ndaj Ramës.
