Një tjetër grup studentësh, ata të Mjekësisë, i janë bashkuar turmës së protestuesve të mbledhur para Kryemini...
POLITIKE
“Si do të futet Shqipëria në BE brenda 2030?”, Rama: E kemi një plan por dhe mbështetje nga partnerët
I.APërditësimi i fundit 15 Tetor 2024, 11:11
Edi Rama
LUKSENBURG- Kryeministri Edi Rama ka deklaruar se për anëtarësimin e vendit në Bashkimin Evropian është një plan. Duke folur në konferencën për mediat, Rama ka deklaruar se përveç planit kemi dhe mbështetje masive nga partnerët tanë jo vetëm politikisht por dhe teknikisht. Po ashtu Rama ka shtuar se është e rëndësishme që vendi ynë të bëhet shtet anëtar i BE-së.
"Kemi një plan, po kështu mbështetemi te miqtë dhe partnerët tanë për të na ndihmuar, jo vetëm politikisht ku për fat të mirë kemi mbështetje, por edhe teknikisht. Kemi nevojë për dije dhe mbështetje. Jam besimplotë se për sa na takon ne, do të përbushim standardet, një koncept që hyri sot në jetën time dhe do të më përsekutojë në pjesën tjetër të kësaj dekade. Me shpresë do dëgjojmë që kemi përmbushur këto standard të ndërmjetme. Për ne është e rëndësishme ta bëjmë Shqipërinë si një shtet anëtar dhe kjo është gjëja më e rëndësishme. Nuk duam që Shqipëria të largohet të marrë çantën dhe të vijë në Bruksel, por BE të vijë në Shqipëri. Në Shqipëri kemi nisur të ndërtojmë Evropën, dhe kjo është ajo që duam të bëjmë” tha Rama.
