"S’ka akuzë ndaj Ilir Metës"/ Gjokutaj: Vendimi i marrë në mungesë edhe pse ai ka qënë gjatë gjithë kohës në SPAK

Genc Gjokutaj

TIRANË- Avokati Genc Gjokutaj, pala mbrojtëse e Presidentit të Lirisë Ilir Meta, ka dhënë detaje të reja nga arrestimi i paprecedent i ish-presidentit. Gjokutaj i ftuar në TASK FORCE në SYRI TV u shpreh se nuk ka një akuzë ndaj Ilir Metës por është një person nën hetim dhe ndaj tij është marrë një vendim në mungesë. Gjithashtu Gjokutaj tha se jo vetëm në rastin e Metës por në rastin e çdo shtetasi nuk duhet të ndodhë ajo pamje që pamë.

"Nuk ka akuzë, është person nën hetim dhe ndaj tij janë 3 dispozita të cilat janë të një vendimi të marrë në mungesë dhe nuk e kuptoj pse është marrë në mungesë pasi Meta ka qënë gjatë gjithë kohës në SPAK dhe ka dhënë shpjegimi. Ajo për të cilën ai hetohet është ‘korrupsioni pasiv i zyrtarëve të lartë’, ‘mosdeklarimi i pasurisë’ dhe ‘pastrimi i veprës penale’.

Jo vetëm në rastin e zotit Meta por në rastin e çdo shtetasi nuk duhet të ndodhë ajo pamje që pamë. Ndalimi i tij është bërë te CasaItalia dhe bashkë me të janë shoqëruar edhe personat që ishin me të pa pasur asnjë implikimi apo hetimi, pra janë persona të huaj  për këtë çështje, janë marrë me forcë në të njëjtën mënyrë dhe janë çuar në drejtorinë e policisë," tha Gjokutaj. 

genc gjokutaj