Në fund të shtatorit, kryeministri Edi Rama paralajmëroi se telefoni celular nuk mund të trajtohej më si një derë e hapur p...
POLITIKE
"Skandalit me kompaninë KAYO sapo i doli koka", Berisha: Rama përdor gjithçka për të vjedhur
PiranjatPërditësimi i fundit 10 Dhjetor 2025, 13:35
Kryetari i Partisë Demokratike, Sali Berisha komentoi edhe skandalin me kompaninë izraelite të lidhur me KAYO-n që drejtohet nga Ardi Veliu.
Në konferencë me gazetarët, Berisha u shpreh se “këtij skandali sapo i ka dalë kokë”.
Sipas tij, Rama përdor gjithçka për të vjedhur: “Ky do të bëhet multimiliarder”.
“Edi Rama gjithçka do të përdore për të vjedhur. E lexuat këtë skandalin me KAYO-n, sapo i doli koka. Asgjë tjetër nuk ka ky vetëm të vjedhë. Ky do të bëhet multi miliarder”, tha Berisha.
Autoritetet belge kanë nisur një hetim në lidhje me kontratat e dyshuara të fituara nga kompania izraelite Elbit Systems, e cila ka firmosur disa marrëveshje me kompaninë shqiptarë KAYO, të drejtuar nga Ardi Veliu për prodhimin e armëve.
Prokuroria Federale e Belgjikës ka lëshuar një urdhër ndërkombëtar arresti për një konsulent të dyshuar se ka vepruar në emër të kompanisë izraelite të mbrojtjes Elbit Systems, në kuadër të disa kontratave të rëndësishme të dhëna nga një agjenci e NATO-s.
Në qendër të hetimit ndodhet Eliau Eluasvili, 60 vjeç, shtetas italian, i cili dyshohet për “korrupsion aktiv” dhe “pjesëmarrje në organizatë kriminale”.
