Brezi i vjetër në Kinë është rritur me kinematografinë shqiptare dhe shprehje si “Vdekje fashizmit, liri popullit!” ...
POLITIKE
“Sot do festonim 58-vjetorin tënd”, vajza e Bujar Nishanit rikujton të atin në ditën e tij të lindjes: Më mungon më shumë se kurrë!
n.fPërditësimi i fundit 29 Shtator 2024, 16:33
Bujar dhe Fiona Nishani
TIRANË- Vajza e ish-presidentit të Shqipërisë, Bujar Nishani ka ndarë ditën e sotme foto me të atin ndërsa ka shprehur sa shume i mungon në 58-vjetorin e tij. Ish-presidenti u nda nga jeta dy vite më parë për shkak të një sëmundje të rëndë në mëlçi ndërsa sot do të festonte sot 58-vjetorin e lindjes.
Fiona Nishani, ka rikujtuar të atin me një foto krah tij ndërsa ka shkruar se i mungon ndërsa shton se sot do të festonin 58-vjetorin e tij.
“Më mungon më shumë se kurrë. Sot do të festonim 58-vjetorin tënd”, shkruan Fiona.
Bujar Nishani u lind më 29 shtator 1966 në qytetin e Durrësit, dhe ndërroi jetë më 22 maj 2022, pasi vuante nga një sëmundje auto-imune. Nishani u zgjodh president i Shqipërisë në vitin 2012 dhe shërbeu në këtë post përgjatë një mandati të plotë deri në vitin 2017.
Në këtë post erdhi nga një karrierë akademike pranë Forcave të Armatosura të Shqipërisë dhe angazhimit disa vjeçar në Ministrinë e Mbrojtjes së Shqipërisë në dekadën e parë të tranzicionit demokratik. Nishani ishte anëtar i lartë i Partisë Demokratike të Shqipërisë dhe ka shërbyer si deputet nga radhët e kësaj partie në Kuvendin e Shqipërisë në vitin 2005. Ai ka mbajtur pozitën e ministrit të Brendshëm në vitin 2007 dhe në vitin 2011, ndërsa atë të ministrit të Drejtësisë në vitin 2009. Nishani ishte presidenti i gjashtë i Shqipërisë.
