I ftuar në emisionin ‘Kafe Shqeto’ në Syri TV, pedagogu Gjok Vuksani ka akuzuar kryeministrin Edi Rama për gjuhën fyese ndaj s...
POLITIKE
"Spiropali nuk e dërgon në SPAK hetimin parlamentar për sistemin TIMS dhe pse ligji e parashikon!" PD: Salianji firmos dhe dërgon nga burgu kallëzimin
M.B.Përditësimi i fundit 14 Nëntor 2024, 10:02
FIER- Partia Demokratike ka njoftuar sot se ish-deputeti Ervin Salianji, ish-kryetar i Komisionit hetimor për të dhënat e sistemit TIMS, ka firmosur dhe ka dërguar nga burgu ka kallëzimin për hetimin. PD thotë se përfundimet e këtij hetimi, janë një bazë e mirë për ndjekje të mëtejshme nga SPAK. Gjithashtu PD shton se sipas rregullores, këto konkluzione i përcillen organit të akuzës nga Kuvendi, por sipas tyre, Kryetarja e Kuvendit mban në sirtar përtej afateve të përcaktuara, dosjen e firmosur nga Salianji, që tanimë duhej të ishte në SPAK.
Lidhur me këtë rast, vet Salianji ka reaguar nga burgu duke thënë se ato hetime parlamentare janë punë e kontribut disa mujor me kolegë dhe ekspertë dhe është një sherbim i vyer ndaj interesit publik, lidhur me ndërhyrjet kriminale në sistemin TIMS. Salianji ka shtuar se Spiropali njeh 'Skënderbeun' e saj mbi çdo normë e ligj dhe është gati të bëjë kamikazen. Sipas tij, ndërhyrjeve të paligjshme në sistem u shtohet paligjshmëria e Spiropalit që nuk dergon dosjen në SPAK.
NJOFTIMI I PD:
Spiropali e mbyll në sirtar, Salianji firmos dhe dërgon nga burgu kallëzimin për “TIMS”
Hetimi parlamentar mbi manipulimin e sistemit "TIMS", drejtuar nga ish-deputeti Ervin Salianji nxori në publik ndërhyrjet e qëllimshme në këtë sistem të dhënash, për interesa kriminale të eksponentëve të lidhur me qeverinë dhe pushtetin, duke dëmtuar rëndë sigurinë kombëtare. Përfundimet e këtij hetimi, janë një bazë e mirë për ndjekje të metejshme nga SPAK. Sipas rregullores, këto konkluzione i percillen organit të akuzës nga Kuvendi. Është zbuluar se Kryetarja e Kuvendit Spiropali, ka shkelur rregulloren, dhe mban në sirtar pêrtej afateve të percaktuara, dosjen e firmosur nga Ervin Salianji, që tanimë duhej të ishte në SPAK.
Lidhur me këtë skandal, Salianji përmes kabinës telefonike në burgun ku mbahet si i denuar, u shpreh:
"Të gjenden arsyet, qëllimi dhe përgjegjësia për këtë akt të rende, të pengimit të drejtësisë dhe mbrojtjes së krimit, që të çon vetëm në një drejtim! Autori është Edi Rama. Ky skandal, ku doganierja e parlamentin nuk e dërgon në SPAK hetimin parlamentar pavarësisht se ligji e parashikon dhe kryetari i komisionit e ka depozituat prej muajsh, duhet hetuar! Ato hetime parlamentare janë punë e kontribut disa mujor me kolegë dhe ekspertë dhe është një sherbim i vyer ndaj interesit publik, lidhur me nderhyrjet kriminale në sistemin TIMS. Ato konkluzione janë serioze dhe profesionale dhe ndihmojnë në zbardhjen e të vertetës dhe të përgjegjësive. Nuk janë rekuizita personale e një kryeparlamentareje kukull. E ka për detyrë të bëjë atë që thotë rregullorja.
Padyshim se ajo njeh Skenderbeun e saj mbi çdo normë e ligj dhe është gati të bëjë kamikazen. Por krimi i TIMS në këtë menyre dyfishohet. Ndërhyrjeve të paligjshme në sistem u shtohet paligjshmëria e Spiropalit që nuk dergon dosjen në SPAK. E gjitha kjo vërteton se gjetjet e Opozitës qëndrojnë. Vërteton dhe një herë lidhjet e qeverisë me krimin, dhe sherbimin e saj ndaj bandave. Jam i bindur edhe më shumë sot se një nga arsyet e burgosjes time politike është dhe zbulimi i manipulimeve me TIMS për të ndihmuar krimin e organizuar. Dhe kjo është padyshim një arsye e një motiv më shumë për betejë me regjimin, dhe një konfirmim i kauzave tona të drejta".
